Қудратилла Рафиқов Касаба уюшмалари федерацияси раислигига қайта сайланди

02.11.2025 | 11:402901

Маълум қилинишича, федерация раислигига номзод илк маротаба яширин овоз бериш йўли билан аниқланган.

Қудратилла Рафиқов Касаба уюшмалари федерацияси раислигига қайта сайланди

Қудратилла Рафиқов 91,9 фоиз овоз билан Ўзбекистон касаба уюшмалари федерацияси раиси этиб сайланди. Бу ҳақда федерация матбуот хизмати хабар қилди.

Қайд этилишича, 1 ноябр куни бўлиб ўтган қурултойда илк марта раис ва унинг ўринбосарлари муқобиллик асосида, яширин овоз бериш йўли билан сайланди. Тармоқ касаба уюшмалари, федерациянинг ҳудудий кенгашлари делегациялари вакиллари йиғилишида федерация раиси ва раис ўринбосарлигига номзодлар юзасидан маслаҳатлашув ўтказилиб, таклифлар тайёрланган. Делегациялар вакиллари йиғилиши номидан номзодлар ўқиб эшиттирилгач, улар яширин овоз бериш бюллетенига киритилган.

Маълумот учун, Қудратилла Рафиқов 1947 йилда туғилган. 1993–1998 йилларда Ўзбекистон касаба уюшмалари федерацияси кенгаши раиси муовини, 1998–2003 йилларда Жиззах вилояти касаба уюшмалари кенгаши раиси лавозимида фаолият юритган. Кейинроқ «Жиззах аккумулятор заводи” АЖ бош директори лавозимида ишлаган. 2016 йил декабрида Танзила Норбоева ўрнига Ўзбекистон касаба уюшмалари федерациясига раҳбар этиб сайланган. Шунингдек, у 2020 йил ноябрида ушбу лавозимга қайта сайланганди.

Теглар

тайинлов касаба уюшмалари

Мавзуга оид

Бугун 16:55

Офицер кадрлар тайёрлаш учун сарфланган маблағларни ундириш такомиллаштирилади

Олий ҳарбий таълим муассасалари битирувчилари офицер лавозимларида 5 йил давомида хизмат ўтамаганда ўқитиш маблағлари ундириб олиниши белгиланди.

01.11.2025 | 21:32

UNESCO пойтахтига айланган Самарқанд, скутерлар учун янги А1 тоифа — ҳафта дайжести

Ўтаётган ҳафта ичида Ўзбекистонда содир бўлган энг аҳамиятли ва муҳокамаларни келтириб чиқарган воқеа-ҳодисаларни яна бир бор эсга оламиз.

31.10.2025 | 17:50

Кам таъминланган оилаларга қарийб 82 млрд сўм ҚҚС қайтарилди

Солиқ қўмитаси 2025 йил бошидан бери «Ижтимоий ҳимоя ягона реестри»га киритилган шахсларга қайтарилган ҚҚС миқдорини маълум қилди.

29.10.2025 | 12:25

Ўзбекистонда 36 мингдан ортиқ оилавий корхона фаолият юритмоқда

Оилавий корхоналарнинг катта қисми савдо, саноат, яшаш ва овқатланиш бўйича хизматлар соҳаларига тўғри келяпти.

31.10.2025 | 21:39

Ўзбекистонда Škoda поездларини йиғиш йўлга қўйилади

Брюсселдаги музокараларда Škoda Group Ўзбекистонда поезд йиғиш, хизмат кўрсатиш ва кадрлар тайёрлашни ўз ичига олган қўшма корхона тузиш режасини эълон қилди.

Кеча 22:06