Saida Mirziyoyeva sudyalarga tabrik yo‘lladi

Бугун 20:031 дақиқа

Prezident administratsiyasi rahbari Saida Mirziyoyeva 25-iyul — Xalqaro sudyalar va sud tizimi xodimlari farovonligi kuni munosabati bilan sudyalarni tabriklab, ularning farovonligi adolatli sudlovning muhim sharti ekanini ta’kidladi.

Saida Mirziyoyeva sudyalarga tabrik yo‘lladi

Prezident administratsiyasi rahbari Saida Mirziyoyeva 25-iyul — Xalqaro sudyalar va sud tizimi xodimlari farovonligi kuni munosabati bilan bayram tabrigi yo‘lladi.

2025 yilda Birlashgan Millatlar Tashkiloti 25-iyul sanasini Xalqaro sudyalar va sud tizimi xodimlari farovonligi kuni deb e’lon qilgan. Shu munosabat bilan Prezident administratsiyasi rahbari Saida Mirziyoyeva sudyalar va sud tizimi xodimlariga bayram tabrigi yo‘lladi.

Mirziyoyevaning ta’kidlashicha, sud tizimi xodimlari har kuni insonlar dardi, fojiaviy taqdirlar va murakkab hayotiy vaziyatlarga duch keladi. Sudyalar esa inson taqdirini hal qiluvchi qarorlar qabul qilib, yuksak ma’naviy mas’uliyatni o‘z zimmasiga oladi.

«Sud qarorlarining adolatli bo‘lishi odil sudlovga xizmat qilayotganlarning jismoniy, ruhiy va emotsional holatiga bevosita bog‘liqdir. Shu bois, adolatli, mustaqil va samarali odil sudlovning zarur shartlaridan biri sudyalar va sud tizimi xodimlari haqida g‘amxo‘rlik qilishdir», — dedi Mirziyoyeva.

Shuningdek, u Yangi O‘zbekistonda inson qadri va qonun ustuvorligi oliy qadriyat hisoblangan sud tizimini izchil barpo etish ishlari davom etayotganini ta’kidladi.

«Barcha sudyalar va sud tizimi xodimlariga mustahkam sog‘liq, iroda va qat’iyat, adolat prinsiplariga doimo sodiqlik va oqilona qarorlar hamroh bo‘lishini tilayman», — dedi Prezident administratsiyasi rahbari.

Теглар

BMT Saida Mirziyoyeva sud farovonlik sudyalar adolat

Мавзуга оид

Бугун 09:20

Dam olish kunlari qaysi banklar ishlaydi? (Ro‘yxat)

25-26-iyul kunlari jami 22 ta bank tomonidan valuta ayirboshlash hamda pul o‘tkazmalarini amalga oshirish mumkin.

Бугун 12:14

O‘zbekistondagi davlat korxonalarining atigi 46 foizi foyda bilan ishlagan — XVJ

2024-yilda O‘zbekistondagi 2148 ta davlat korxonasining atigi 982 tasi foyda bilan ishlagan. Eng katta yo‘qotishlar elektr energetikasi, uy-joy kommunal xo‘jaligi va suv xo‘jaligi sohalarida qayd etilgan. Budjetga to‘langan dividendlarning qariyb 80 foizini esa tog‘-kon sanoati ta’minlagan.

Бугун 15:55

Buxoro shahrining bosh rejasi tasdiqlandi

2043-yilgacha Buxoro shahri hududi qariyb 1,5 barobar kengayadi, uy-joy fondi ikki baravarga yaqin oshadi. Tarixiy markazdagi har qanday o‘zgarish esa UNESCO bilan kelishiladi.

Бугун 17:01

Boysundagi avariyaga Xitoy mutaxassislari jalb qilinadi

«O‘zbekneftgaz» Boysundagi texnogen avariyani bartaraf etish ishlarini tezlashtirish uchun Xitoyning CCDC kompaniyasi mutaxassislarini jalb etishini ma’lum qildi.

Бугун 17:45

O‘zbekiston va Qozog‘iston o‘rtasida yirik bitimlar paketi imzolandi

Tomonlar 2 trln so‘mdan ortiq memorandum va tijorat shartnomalarini imzoladi. Shuningdek, qiymati 1,8 mlrd dollardan ziyod bo‘lgan 80 ta qo‘shma sanoat loyihasi amalga oshirilayotgani, ularning bir qismi allaqachon ishga tushirilgani hamda yana 1,5 mlrd dollarlik 59 ta yangi investitsiya tashabbusi ishlab chiqilayotgani ma’lum qilindi.

Кеча 22:42

Putindan tortib Erdo‘g‘angacha: Shavkat Mirziyoyevni tug‘ilgan kuni bilan kimlar tabrikladi?

O‘zbekiston Prezidentining tavallud kuni munosabati bilan xorijiy davlatlar yetakchilari va xalqaro tashkilotlar rahbarlaridan samimiy qutlovlar kelmoqda.