Sobiq prezident uchun «havo solig‘i» yig‘ilmoqda — OAV
Arkadag‘ hokimligi korxona rahbarlaridan mablag‘larning o‘tkazilishini ta’minlashni talab qiladi. Aks holda, ularga turli xil choralar ko‘rilishi bilan tahdid qilinadi. Ushbu mablag‘lar aslida nimaga sarflanayotgani haqida esa amaldorlar aholiga hisobot bermaydi.
© Ijtimoiy tarmoqlarTurkmanistonning Arkadag‘ shahrida joylashgan barcha korxona va tashkilotlarning xodimlari har yili shahar ma’muriyatidagi maxsus hisob raqamga 150 manat (42,94 dollar) o‘tkazadi. Bu haqda mahalliy nashrlar yozmoqda.
To‘lov yil oxirida amalga oshiriladi va rasman atrof-muhitni muhofaza qilish hamda ekologik xavfsizlikni ta’minlash uchun beriladigan ixtiyoriy badal sifatida rasmiylashtiriladi.
Biroq, manbalarning aytishicha, amalda bu to‘lovlarni ixtiyoriy deb bo‘lmaydi. Shahar ma’muriyati korxona rahbarlaridan mablag‘larning o‘tkazilishini ta’minlashni talab qiladi. Aks holda, ularga turli xil choralar ko‘rilishi bilan tahdid qilinadi.
Shahar aholisi bu to‘lovlarni kinoya bilan «Arkadag‘ uchun havo solig‘i» deb ataydi. Bu nom shaharning o‘zini emas, balki uning qurilishi tashabbuskori, sobiq prezident Gurbanguli Berdimuhamedovni nazarda tutadi. Nom kinoyali bo‘lsa-da, to‘lovlarning o‘zi haqiqiy bo‘lib, har yili amalga oshiriladi. Ushbu mablag‘lar aslida nimaga sarflanayotgani haqida esa amaldorlar aholiga hisobot bermaydi.
Narxlar oshib borayotgan bir paytda, aholi joriy yil oxiriga borib ushbu majburiy badal miqdori yana oshirilishi mumkinligini taxmin qilmoqda.
Eslatib o‘tamiz, avvalroq «Arqadag‘», ya’ni Gurbanguli Berdimuhamedov sharafiga o‘tkazilgan sadaqa go‘sht narxining keskin oshishiga sabab bo‘lgandi.
