To‘qayev vitse-prezident vakolatlari va Qurultoy faoliyati tartibini tasdiqladi

Бугун 18:322 дақиқа

Qozog‘istonda davlat boshqaruvi tizimida yirik o‘zgarishlar boshlanmoqda. Yangi qonunlarga ko‘ra, vitse-prezident instituti tashkil etiladi, Qurultoy esa qonun chiqaruvchi oliy vakillik organiga aylanadi.

Qozog‘iston prezidenti Qosim-Jo‘mart To‘qayev 2026-yil 15-mart kuni qabul qilingan yangi Konstitutsiya qoidalarini amalga oshiruvchi ikkita konstitutsiyaviy qonunni imzoladi. Mamlakatda vitse-prezident lavozimi va yangi oliy vakillik organi – Qurultoy tashkil etiladi, deb xabar bermoqda «Orda.kz».

Vitse-prezident

Birinchi qonun vitse-prezident institutini ta’sis etadi. Davlat rahbarining topshirig‘iga ko‘ra, u davlat organlari bilan o‘zaro munosabatlarda prezident manfaatlarini ifoda etadi va prezident belgilaydigan vazifalarni bajaradi.

Qurultoy

Ikkinchi qonun Qurultoy faoliyatini tartibga soladi. U parlament o‘rnini egallab, qonun chiqaruvchi hokimiyatni amalga oshiruvchi oliy vakillik organiga aylanadi. Qurultoy partiya ro‘yxatlari bo‘yicha besh yil muddatga saylanadigan 145 nafar deputatdan iborat bo‘ladi. Organga davlat tilini erkin biladigan deputatlar orasidan yashirin ovoz berish yo‘li bilan saylanadigan rais rahbarlik qiladi.

Qurultoy keng vakolatlarga ega bo‘ladi. U vitse-prezident, bosh vazir, Konstitutsiyaviy sud sudyalari, Markaziy saylov komissiyasi va Oliy auditorlik palatasi a’zolarini tayinlashga rozilik beradi. Shuningdek, Qurultoy Oliy sud sudyalarini saylaydi va lavozimidan ozod qiladi, prezident saylovlarini tayinlaydi hamda hukumatning budjet ijrosi bo‘yicha hisobotlarini tasdiqlaydi.

Avvalroq To‘qayev yangi Konstitutsiyani qabul qilish to‘g‘risidagi farmonni imzolagan edi. Referendumda qatnashganlarning 87,15 foizi islohotlarni qo‘llab-quvvatladi. Saylovchilar faolligi 73,12 foizni tashkil etdi. Yangi Konstitutsiya 2026-yil 1-iyuldan kuchga kiradi, shu kundan boshlab 1995-yilgi Konstitutsiya o‘z kuchini yo‘qotadi.

Теглар

Qozog‘iston Qosim-Jo‘mart To‘qayev Konstitutsiya vitse-prezident Qurultoy

Мавзуга оид

Кеча 19:20

Marko Rubio Markaziy Osiyoga keladi

AQSH Markaziy Osiyo davlatlariga nisbatan amalda saqlanib qolgan Jekson–Venik tuzatishini bekor qilish masalasini ko‘rib chiqmoqda.

Бугун 16:15

Toshkentda peshlavhalar baribir o‘zgaradi – hokim

VAQT.UZ'ga bergan izohida Toshkent shahar hokimi peshlavhalar arxitektura normalari bilan tartibga solinishini ta’kidladi. Unga ko‘ra, noqonuniy elementlar sud qarorisiz ham olib tashlanishi mumkin.

03.06.2026 | 22:10

Pelening afsonaviy futbolkasi sotuvga qo‘yiladi

Futbol tarixidagi eng mashhur liboslardan biri Jahon chempionati vaqtida kimoshdi savdosiga chiqarilmoqda.

Кеча 16:08

6 mlrdni «yemagan» Toshkent hokimi

Bu yil qishda «svet» va gaz muammosi bo‘lmaydimi? «Bo‘zsuv» kanali atrofidagi daraxtlar kesilmaydimi? Toshkentdagi ekologik muammolar hal qilinyaptimi? Drenaj tizimiga ajratilgan 6 mlrdni hech kim «yemaganmi?» Ushbu savollarga Uchtepa tumanini ko‘zdan kechirgan Toshkent shahar hokimi Shavkat Umrzoqov javob berdi.

Кеча 14:59

Qirg‘iziston «TikTok»ni qaysi shart bilan ochishini ma’lum qildi

Qirg‘izistonda «TikTok» ijtimoiy tarmog‘iga kirish imkoni taqiqlangan kontentni alohida bloklash imkonini beruvchi maxsus uskunalar ishga tushirilganidan keyin tiklanishi mumkin.

Кеча 22:55

Sankt-Peterburg forumi Putinning dunyo bilan iqtisodiy aloqalari ko‘zgusimi?

Forumda bu yil siyosatchilar, milliarderlar va media yulduzlari bir sahnada jam bo‘lmoqda. Anjuman mehmonlari orasida Gerxard Shryoder, Stiven Sigal hamda faoliyati turli bahs-munozaralarga sabab bo‘lib kelayotgan shov-shuvli blogerlar — Endryu va Tristan Teytlar ham bor.