Turkiya kompaniyasi Coca-Cola Uzbekistan’ning to‘liq egasiga aylangan

Бугун 20:462 дақиқа

Coca-Cola Uzbekistan to‘liq sotib olindi. TXIF-2026 da Turkiyaning “Anadolu Group” xoldingi kompaniyaning qolgan ulushini ham qo‘lga kiritib, yagona egaga aylanganini ma’lum qildi.

Turkiya kompaniyasi Coca-Cola Uzbekistan’ning to‘liq egasiga aylangan

Turkiyaning “Anadolu Group” xoldingi Coca-Cola Uzbekistan kompaniyasiga to‘liq egalik qilayotgani ma’lum bo‘ldi. Bu haqda Vaqt.uz ishtirok etgan, V Toshkent xalqaro investitsiya forumida (TXIF-2026) bo‘lib o‘tgan Turkiya—O‘zbekiston biznes forumida aytildi.

Forumda Turkiyaning “Anadolu Group” xoldinigining O‘zbekiston bo‘yicha maslahatchisi Ezel Ag‘aog‘li qatnashdi va bitim tafsilotlari haqida gapirib berdi.

Coca-Cola Uzbekistan’ning 57,1 foiz ulushi 2021 yilda Turkiyaning Coca-Cola İçecek A.Ş. kompaniyasi tomonidan 252 mln dollarga sotib olingandi. Coca-Cola İçecek A.Ş. “Anadolu Group” xoldingi tarkibidagi kompaniyalardan biri hisoblanadi.

Ezel Ag‘aog‘lining ta’kidlashicha, “Anadolu Group” keyinchalik qolgan 42,9 foiz ulushni ham sotib olgan. Shundan beri kompaniyaning O‘zbekistonga kiritgan investitsiyalari hajmi 550 mln dollardan oshgan.

Bundan tashqari, xolding “Anadolu Isuzu” kompaniyasi (SamAuto brendi) orqali 80 mln dollardan ortiq sarmoyani ham amalga oshirgani qayd etildi. Turkiya kompaniyasi vakilining ma’lum qilishicha, “Anadolu Group”ning rejalaridan O‘zbekistonda ekotizim tashkil qilish ham o‘rin olgan.

Ma’lumot uchun, Coca-Cola Uzbekistan kompaniyasining 57,1 foiz ulushi 252 mln dollarga xususiylashtirilgani O‘zbekiston uchun eng yirik bitimlardan biri bo‘lgandi.

Coca-Cola O‘zbekistonda daromadini ko‘paytirmoqda

Coca-Cola, Fanta, Bonaqua va Sprite kabi ichimlik brendlariga egalik qiluvchi Coca-Cola Ichimligi Uzbekistan’ning sof foydasi 2025 yilda 1,15 trln so‘mni tashkil etgan.

Bu davrda kompaniya daromadi 40 foizga o‘sib, 7,6 trln so‘mga yetdi. Shuningdek, 2025 yilda Coca-Cola’ning O‘zbekistondagi yillik o‘sish sur’ati 33,7 foizni tashkil etib, umumiy hajm 220 mln donaga yetdi.

Bu kompaniya kuniga o‘rtacha 602 ming 740 dona ichimlik sotib, 20 mlrd 821 mln so‘m daromad olganini anglatadi.

Теглар

xususiylashtirish sof foyda Coca-Cola TXIF

Мавзуга оид

Бугун 19:30

«Boeing», «BlackRock» va «Meta»: AQSHning yirik kompaniyalari Mirziyoyevga rahmat aytdi

Toshkent xalqaro investitsiya forumi arafasida O‘zbekiston Prezidenti Shavkat Mirziyoyev AQSHning yetakchi korporatsiyalari va moliyaviy institutlari rahbarlari bilan uchrashuv o‘tkazdi.

Бугун 18:10

O‘zbekistonliklar hamon eng ko‘p kommunal xizmatlar narxi oshishidan xavotirda

May oyida aholi va tadbirkorlarning inflyatsion kutilmalari pasayishda davom etgan bo‘lsa-da, kommunal xizmatlar hamda yoqilg‘i-energiya narxlarining qimmatlashishiga oid xavotirlar saqlanib qolmoqda.

Бугун 16:50

O‘zbekistonda 5 oyda qariyb 11 trln so‘m ipoteka kreditlari ajratildi

Ajratilgan ipoteka kreditlarining har uchdan bittasi Toshkent shahri hissasiga to‘g‘ri kelgan.

Бугун 20:00

Shotlandiya – Marokash o‘yinini o‘zbekistonlik hakamlar brigadasi boshqaradi

FIFA hakami Ilgiz Tantashev boshchiligidagi hakamlar brigadasi JCH 2-turi doirasida bo‘lib o‘tadigan Shotlandiya — Marokash uchrashuvini boshqarib boradi.

Бугун 15:45

Toshkent ko‘chalaridan biriga Mustafo Kamol Otaturk nomi beriladi

Prezident Shavkat Mirziyoyev Toshkent shahridagi ko‘chalardan biriga Mustafo Kamol Otaturk nomini berish to‘g‘risidagi qarorni imzoladi. Yangi nom Yashnobod tumanidagi «O‘zbek-turk do‘stligi» xiyoboniga tutash ko‘chaning bir qismiga beriladi.

Бугун 17:10

Korxonalar soni yarim milliondan oshdi : so‘ngi 3 oy natijalari nimani ko‘rsatmoqda?

O‘zbekistonda 2026-yilning may holatiga ko‘ra, korxona va tashkilotlar soni yarim milliondan oshdi. Hududlar kesimida eng yuqori ko‘rsatkich Toshkent shahrida qayd etildi.