Қозоғистон Ўзбекистон билан чегарада юк ташувчилардан пул олмоқчи

Bugun 12:031 daqiqa

Бу чора навбатларни сунъий равишда юзага келтиришнинг олдини олиш ва ташувчиларнинг масъулиятини оширишга қаратилган.

Қозоғистон Ўзбекистон билан чегарада юк ташувчилардан пул олмоқчи

9-ноябрдан бошлаб Қозоғистон ва Ўзбекистон чегараси орқали халқаро юк ташиш учун электрон навбатга ёзилаётган ташувчилар 20 МРП (ойлик ҳисоб-китоб кўрсаткичи) миқдорида кафолат пули тўлаши керак бўлади. Бу ҳақда Қозоғистоннинг Туркистон вилояти Давлат даромадлари департаменти хабар берди.

Янги талаб «Қозиғурт», «Б. Қонисбаев» ва «Атамекен» чегара ўтказиш пунктларида амал қилади.

Электрон навбатда жой банд қилиш учун ташувчининг махсус электрон ҳисобида 20 МРП миқдорида маблағ бўлиши керак. Бу 86 минг 500 тенге (тахминан 2 миллион 261 минг сўм) бўлади.

Агар юк машинаси белгиланган вақтда чегара пунктига етиб келса, кафолат пули тўлиқ ва автоматик тарзда қайтарилади. Агар ташувчи 90 календар кун ичида кетма-кет икки марта белгиланган вақтда келмаса, пул қайтарилмайди ва давлат бюджетига ўтказилади.

Департаментнинг тушунтиришича, бу чора навбатларни сунъий равишда юзага келтиришнинг олдини олиш ва ташувчиларнинг масъулиятини оширишга қаратилган.

Халқаро юк ташиш билан шуғулланувчиларга сафарларни олдиндан режалаштириш ва электрон навбатга ёзилишда янги талабларни ҳисобга олиш тавсия этилди.

Эслатиб ўтамиз, аввалроқ Қозоғистон қандай қилиб рақамли тўловлар мамлакатига айлангани ҳақида ёзган эдик.

Teglar

Қозоғистон пул электрон навбат юк ташиш божхона чегара Ўзбекистон

Mavzuga oid

Bugun 08:55

«Microsoft» 60 мингга яқин ходимга ихтиёрий ишдан бўшашни таклиф қилди

Компания харажатларни жиловлашга уринмоқда. Бошқа йирик компаниялар сингари у ҳам сунъий интеллект учун маълумотлар маркази ва чипларни яратишга юзлаб миллиард доллар сарфламоқда. Бу харажатлар ўзини оқлаши ёки оқламаслиги масаласи инвесторлар эътиборини тортмоқда. Жорий календар йили учун компаниянинг капитал харажатлари 175 млрд долларни ташкил этиши прогноз қилинган.

25.10.2026 | 22:47

«Z авлод» кўчага чиқмоқда: норозиликлар ортида нима бор?

Европа ва Осиё қитъасида ёшлар иштирокидаги оммавий норозиликлар бўлиб ўтмоқда. Францияда мактаб инфратузилмаси ва ўқитувчилар тақчиллиги, Ҳиндистонда сайловчилар рўйхатининг тозаланиши, Испанияда эса кекса аёлнинг мажбурий кўчирилиши ортидан бошланган уй-жой инқирози ҳукуматларни истеъфо ва муддатидан олдинги сайловлар ёқасига олиб келди.

24.10.2026 | 16:16

АҚШ ва Эрон уруши: аввал ва ҳозир. 8 ойлик уруш таҳлили

Жорий йилнинг феврал ойида АҚШ ва Исроилнинг Эронга зарбалари билан бошланган уруш саккиз ой ичида бутун минтақадаги вазиятни ўзгартирди. Уруш бошланганидан бери ҳарбий, иқтисодий ва сиёсий вазият қандай ўзгарди, томонлар қандай йўқотишларга дуч келди?

23.10.2026 | 09:40

Париж келишуви пучга чиқдими? БМТ глобал исишнинг ҳалокатли оқибатларидан огоҳлантирди

Гутерриш глобал исишнинг ҳалокатли оқибатлари — тошқинлар, жазирама ва ўрмон ёнғинлари аллақачон дунё бўйлаб инсонлар ўлимига ва иқтисодиётнинг издан чиқишига сабаб бўлаётганини айтди.

25.10.2026 | 12:36

Визасиз йўналишлар сони камайди: Ўзбекистон 2030-йилгача 50 та давлат билан визасиз режим ўрната оладими?

Ўзбекистон паспорти халқаро рейтингда бирйўла 9 поғонага пастлаб, 82-ўринга тушди. Бу ўзгариш мамлакат фуқароларининг визасиз саёҳат имкониятлари ва Ўзбекистон паспортининг халқаро мавқеи ҳақидаги саволларни келтириб чиқарди. Шу сабабли Vaqt.uz Ўзбекистон паспорти рейтингда нега пастлагани ва сўнгги беш йилда қандай ўзгаришлар кузатилганини таҳлил қилди.

Bugun 10:57

Таиланд Ўзбекистон фуқаролари учун визасиз режимни қайта тиклашни кўриб чиқмоқда

Виза олишдаги муаммолар сабабли Таиланд ҳукумати Ўзбекистон ва бошқа бир қатор давлатлар сайёҳлари учун 15 кунлик визасиз режимни қайта жорий этиши мумкин.