Қурилиш рухсатномалари харажати икки баробар қисқаради

Bugun 13:252 daqiqa

Қурилиш жараёнида турли идораларга алоҳида мурожаат қилиш заруратини камайтириши ва ҳужжат айланишини соддалаштириш мақсадида архитектура ва шаҳарсозлик талабларини бериш бўйича ягона давлат хизмати жорий этилади.

Қурилиш рухсатномалари харажати икки баробар қисқаради

Президентнинг «Қурилиш соҳасида натижага асосланган бошқарувни жорий этиш ҳамда соҳада давлат хизматларини соддалаштириш чора-тадбирлари тўғрисида»ги ПФ–104-сонли фармонига мувофиқ, 2026 йил 1 сентябрдан бошлаб республика бўйлаб архитектура ва шаҳарсозлик соҳасидаги бир қатор давлат хизматлари ягона тизимга бирлаштирилади.

Шунингдек, 2026 йил 1 июлдан объектларни муҳандислик-коммуникация тармоқларига улаш жараёни ҳам янги механизм асосида ташкил этилади. Энди тадбиркорлар «1 та ариза – 1 тўлов – барча уланиш нуқталари» тамойили орқали электр, газ, сув ва бошқа коммуникацияларга уланиш учун ягона мурожаат тақдим этади.

Фармонга кўра, бино конструкцияси, мустаҳкамлиги ёки ёнғин хавфсизлигига таъсир қилмайдиган, объект қуввати ва вазифаси ўзгармайдиган ҳолларда лойиҳа ҳужжатларини ҳудудий кенгашлар билан қайта келишиш амалиёти бекор қилинади.

Назорат рақамлаштирилади

Қурилиш соҳасида давлат хизматларини кўрсатиш жараёнида аниқланган камчиликларни бартараф этиш учун тадбиркорларга қўшимча беш иш куни берилади. Бу эса ҳужжатлардаги техник хатолар сабабли аризаларни қайта топшириш ҳолатларини камайтириши мумкин.

2026 йил 1 сентябрдан қурилиш объектлари устидан назоратни кучайтириш мақсадида видеокузатув камераларидан фойдаланиш амалиёти ҳам кенг жорий этилади.

Камералар мажбурий бўлади

Янгидан қурилиши бошланадиган кўп квартирали уй-жойлар, III ва IV тоифадаги ижтимоий соҳа объектлари, меҳмонхоналар, туризм, савдо ва саноат иншоотларида видеокузатув камераларини ўрнатиш мажбурий бўлади.

Бундан ташқари, бюджет маблағлари ҳисобидан қуриладиган ва қиймати 3 миллиард сўмдан юқори бўлган объектлар ҳам ушбу талаб доирасига киритилади. Ҳукумат мазкур чоралар қурилиш жараёнларининг шаффофлигини ошириш, хавфсизликни кучайтириш ва назорат самарадорлигини яхшилашга хизмат қилишини таъкидламоқда.

Teglar

тадбиркорлик инфратузилма шаҳарсозлик видеокузатув рухсатнома қурилиш

Mavzuga oid

Kecha 18:55

Fitch қароридан сўнг UzNIF акциялари 32 фоизга қимматлашди

Fitch агентлиги Ўзбекистон кредит рейтингини «барқарор»дан «ижобий»га оширгач, UzNIF акциялари Лондон фонд биржасида IPO нархига нисбатан 32 фоиздан ортиқ қимматлашди.

Bugun 08:00

Ўзбекистон апрелда олтин сотди, аммо йиллик ҳисобда соф харидор бўлиб қолмоқда

Жаҳон Олтин кенгаши маълумотларига кўра, 2026 йил апрел ойида дунё Марказий банклари 17 тонна олтин сотиб олди, асосий харидорлар — Полша ва Хитой.

Kecha 19:20

Самарқандни «Марказий Осиёнинг яшил инвестициялар ва инновациялар пойтахти» деб эълон қилиш таклиф этилди

Президент Шавкат Мирзиёев Глобал экологик жамғарманинг 8-ассамблеясида Самарқандни Марказий Осиёнинг яшил инвестициялар ва инновациялар марказига айлантириш, иқлим ўзгаришига қарши курашиш ва минтақавий экологик ҳамкорликни кучайтиришга қаратилган қатор ташаббусларни илгари сурди.

Kecha 17:25

Беларуслик банкирлар Ўзбекистон банк ва финтех секторида раҳбарлик лавозимларини эгалламоқда

Humo, InfinBANK, Uzum, Tez ва Ipoteka Bank каби йирик молиявий ташкилотларда Беларусдан келган топ-менежерлар фаолият юритмоқда. Бу эса мамлакат банк ва финтех бозорида янги тенденцияни шакллантирмоқда.

Kecha 20:00

ИИБ терговчиси 40 минг доллар пора билан қўлга тушди

Наманганда ИИБ Тергов бошқармаси терговчиси фуқарога нисбатан қўзғатилган жиноят ишини унинг фойдасига ижобий ҳал қилиб, тугатиб юбориш эвазига ишга алоқадор бўлмаган адвокат орқали 40 минг АҚШ доллари талаб қилган.

Kecha 18:23

Ўзбекистонликлар энг кўп қайси банкларнинг микромолия хизматларидан фойдаланмоқда?

2026 йилнинг биринчи чорагида кредит ташкилотлари томонидан 35,8 трлн сўмлик микромолия хизматлари кўрсатилди. Бу кўрсаткич ўтган йилнинг шу даврига нисбатан 17 фоиз ёки 5,2 трлн сўмга ошган.