Учта ҳудудда ҳокимлар ўзгарди

25.11.2025 | 18:151 daqiqa

Гулистон шаҳри, Бўка ва Ғиждувон туманларига янги ҳокимлар тайинланди.

Бугун, 25 ноябр куни Ўзбекистоннинг қатор ҳудудлари ҳокимлари ишдан бўшатилди.

Жумладан, Жамолиддин Ҳожиманов Гулистон шаҳри ҳокими лавозимидан бўшатилиб, унинг ўрнига ИИБ бошлиғининг биринчи ўринбосари лавозимида фаолият олиб борган Фаррух Ўктамжонов тайинланди.

Маълумот учун, Жамолиддин Ҳожиманов 2024 йилнинг март ойидан буён шаҳар ҳокими лавозимида ишлаб келаётганди. Ундан аввал шаҳарга 2020 йилнинг январ ойидан Тўлқинжон Дадабаев раҳбарлик қилиб, 2024 йилнинг февралида соғлиғидаги муаммолар сабаб ўз аризаси билан ишдан кетганди.

Шунингдек, Бўка тумани ҳокими Бегматов Бахтиёр Фахриддинович лавозимидан озод этилиб, Халқ депутатлари Бўка тумани Кенгашининг навбатдан ташқари сессиясида Сардор Исоқулов туман ҳокими лавозимига тайинланди.

Шу билан бирга, Ғиждувон туманига 2021 йилдан буён раҳбарлик қилиб келган Шерзод Ашуров ишдан олинди. Унинг ўрнини собиқ депутат ва Вобкент тумани собиқ ҳокими Фарҳод Умаров эгаллади.

Эслатиб ўтамиз, президент Шавкат Мирзиёев 19 ноябр кунги йиғилишда Чироқчи ва Денов ҳокимлари ҳамда уларнинг биринчи ўринбосарларини ишдан олишни белгилаганди.

Бундан ташқари, мазкур йиғилишда Шавкат Мирзиёев Бош вазирга кўзбўямачилик билан ёндашган 20 та туман ҳокимига нисбатан ўрнатилган тартибда чора кўришни топширганди. Улар орасида Ғиждувон тумани ҳокими ҳам бўлган.

Teglar

Тайинлов ҳоким Гулистон Ғиждувон Бўка

Mavzuga oid

19.03.2026 | 13:38

Энг яхши микрокредит ва автокредит ставкаларини қайси банклар таклиф қилмоқда?

Марказий банк 2026 йил 16-март ҳолатига кўра, тижорат банклари томонидан аҳолига ажратилган микроқарз ва автокредитлар бўйича ўртача фоиз ставкаларини эълон қилди.

19.03.2026 | 12:35

«IT Park Ventures»га янги директор тайинланди

Далерхон Нодиров ўтган ҳафтада «IT Park Uzbekistan» бош директори лавозимига тайинланган Азамат Караматовнинг ўрнини эгаллади.

Kecha 10:30

Дам олиш кунлари қайси банклар ишлайди? (Рўйхат)

20-21-22-март кунлари жами 24 та банк томонидан валюта айирбошлаш ҳамда пул ўтказмаларини амалга ошириш мумкин.

Kecha 19:42

Ўзбекистон иқтисодий эркинлик индексида 14 поғонага кўтарилди

Мамлакат биринчи марта «ўртача эркин» давлатлар қаторига кирди. Ўзбекистон олдинги йилларда асосан эркин бўлмаган давлатлар сафида бўлган.

19.03.2026 | 14:20

«Ваҳимага ўрин йўқ» — вазирлик телефон рақамлар савдосига изоҳ берди

Рақамли технологиялар вазирлиги виртуал рақамлар сотилаётгани ҳақидаги хабарларга муносабат билдириб, бундай хизматлар фуқароларнинг шахсга доир маълумотларига таҳдид туғдирмаслигини маълум қилди.

19.03.2026 | 18:30

Инфляцион кутилмалар пасайишдан тўхтади

Ўтган ойда аҳолининг инфляцион кутилмалари 11,2 фоиз, бизнесники эса 10,8 фоиз кўринишида сақланиб қолди. Инфляцион ҳавотирлар туфайли асосий ставка ҳам ўзгармаганди.