Пропан нархини сунъий оширган 31 та компания жазоланди

Пропан нархини сунъий оширган 31 та корхона жаримага тортилди. Бу ҳақда Рақобат қўмитаси хабар берди.

Маълумотларга кўра, қўмитанинг Махсус комиссияси томонидан пропан импорт қилувчи хўжалик юритувчи субъектлар томонида 2025 йил ноябрь-декабрь ойлари ва жорий йилнинг январь ойида пропаннинг биржа савдоларида бошланғич нархларни асоссиз ошириш ва ҳажмларни сунъий равишда биржа савдоларига чиқармаслик натижасида пропан нархларини ошириб юборилиши ҳолати бўйича иш қўзғатилган эди. Қўмита томонидан кўрилган тезкор чоралар натижасида пропан нархи 21 фоизгача арзонлаштирилишига эришилди.

Назорат тадбирлари якунига кўра, жами 31 та компания томонидан «Рақобат тўғрисида»ги қонун талаблари бузилгани аниқланди:

— Poytug‘ Gaz To‘ldirish Korxonasi;

— Taraqqiyot Gaz Servis;

— Shirin Gaz Servis;

— Oltinko‘l Hamkor Rivoj;

— Osiyo Hamkor Maks;

— Inginering Gazavto Servis;

— Namangan-Istiqlol Bog‘i;

— Nasaf Taminot Gaz Press;

— Friday-Extra;

— Saidbek Turabov;

— Planeta Neft Gaz Invest;

— Gold Samarkand Oil;

— Maroqand-Energy Gaz Oil;

— Asatillo Bobo Gaz Invest;

— Unit Group Sirdarya;

— Gazone;

— Critical Merchant;

— Nafton;

— Farg‘ona Gaz To‘ldirish Stansiyasi;

— Davr Global System;

— Lutf Gaz Oil;

— Prime Energi Oil;

— Oilchem;

— Sh-Z Handsome Group;

— Crude Oil;

— Tarbatneft;

— Interneft;

— Gtl Gaz;

— Wimbledon Oil;

— Inter Gas Oil Lpg;

— Energie-Group.

Уларнинг 12 таси биржа савдоларида ўзаро келишилган ҳолда рақобатга зид ҳаракатларни амалга оширган. Қолган ҳолатларда эса бошланғич нархларни асоссиз ошириш ва маҳсулотни қонунга зид тарзда тўғридан-тўғри шартномалар орқали сотиш ҳолатлари қайд этилди.

Махсус комиссия қарорига мувофиқ, қонунбузилиш давридаги товар айланмасига нисбатан 28,9 млрд сўм миқдорида молиявий жарима қўлланди. Шунингдек, асоссиз олинган 34,1 млрд сўм маблағни республика бюджетига ундириш белгиланди.

Шу билан бирга, барча қонунбузар субъектларга камчиликларни бартараф этиш ва келгусида бундай ҳолатларга йўл қўймаслик бўйича мажбурий кўрсатмалар берилди. Қарордан норози бўлган томонлар Апелляция кенгашига ёки судга мурожаат қилиш ҳуқуқига эга.