Дунёда янги миллиардер пайдо бўлди: у 2011 йилдан бери сақлаб келган биткойнларини сотди
Биткойннинг дастлабки сармоядорларидан бири — Оуэн Ганден ўз криптоактивларини сотиб, 1,3 млрд доллар фойда қилди ва доллардаги миллиардлар қаторига кирди.
2011 йилдан буён криптовалюталарга сармоя киритиб келган Оуэн Ганден ўзининг барча биткойнларини сотиб, бир неча ой ичида 1,3 млрд долларлик активларини пулга айлантирди. Бу ҳақда Cointelegraph манбаси хабар берди.
Arkham Intelligence маълумотларига кўра, Ганденга тегишли криптовалюта ҳамёни 21 октябрдан буён 11 000 биткойнни сотган. Фақат 22 ноябрь куни у Kraken биржасига 2499 биткойнни — 228 млн доллар қийматдаги сўнгги улушини ўтказган.
Оуэн Ганден биткойн бозоридаги илк арбитраж трейдерлардан бири ҳисобланади. У 2014 йилгача Mt. Gox ва Tradehill биржаларида фаол савдо қилган. Arkham рейтингларига кўра, у крипто дунёдаги саккизинчи энг бой шахс эди — унинг активлари 561 млн доллар деб баҳоланган.
Ганденнинг чиқиши институционал инвесторлар ҳаракати билан кескин қарама-қарши. 19 ноябрь ҳолатига кўра, Bitcoin-ETF лардаги институционал инвесторлар улуши 40 фоизга етган. Бу кўрсаткич иккинчи чоракда 27 фоиз бўлган. Root тахлилчисига кўра, бундай ўсиш 1119 та йирик компания томонидан тақдим этилган 13-F ҳисоботларига асосланади.
Шу билан бирга, ETF лардан ноябрь ойида 2,8 млрд долларлик маблағ чиқиб кетган бўлса-да, институционал сармоядорлар ўз улушларини ушлаб турибди. Бу эса биткойн бозоридаги «бўри даври» тугагани ҳақидаги хавотирларга қарамай, катта сармоядорлар узоқ муддатли истиқболга ишончи борлигини кўрсатади.
