Энди ишсизлик нафақаси фақат меҳнат шартномаси бекор қилинган шахсларга тўланади

08.08.2025 | 17:006073

1 ноябрдан ишсизлик нафақаси олиш тартиби ва ижтимоий ҳимояга муҳтож тоифалар учун иш ўринлари захираси бўйича янги қоидалар кучга киради.

Энди ишсизлик нафақаси фақат меҳнат шартномаси бекор қилинган шахсларга тўланади

Президент фармонига мувофиқ, 2025 йил 1 ноябрдан ишсизлик нафақаси фақат меҳнат шартномаси бекор қилинган шахсларга тўланади. Янги тартиб сўнгги 5 йилда камида 18 ой ишлаган ва шартнома бекор қилинганидан сўнг 6 ой ичида мурожаат қилган фуқароларга татбиқ этилади. Нафақа тўлови 3 ой давомида амал қилади: биринчи ойда ўртача ойлик иш ҳақининг 75 фоизи, иккинчи ва учинчи ойларда эса 50 фоизи миқдорида тўланади. Ҳар икки ҳолатда ҳам тўлов меҳнатга ҳақ тўлашнинг энг кам миқдорининг уч бараваридан ошмаслиги белгиланди. Такроран нафақа олиш учун аввалги тўлов тугаганидан кейин камида 12 ойлик иш стажи талаб этилади. Шунингдек, шу кундан бошлаб хўжалик юритувчи субъектлар ногиронлиги бўлган шахслар, оилавий зўравонликдан жабрланганлар, Камбағал оилалар реестридаги фуқаролар, муқобил жойлаштириш шаклларида тарбияланган етимлар ва ота-она қарамоғидан маҳрум шахслар учун иш ўринларининг мажбурий захираларини шакллантиради. Мажбурий захира умумий ходимлар сонининг 3 фоизидан ошмаслиги ва 100 нафардан ортиқ ходимга эга ташкилотларга нисбатан қўлланиши шарт қилиб белгиланган. Мақсад — ижтимоий ҳимояга муҳтож тоифаларнинг бандлигини таъминлаш ҳамда меҳнат бозорида тенг имкониятлар яратиш.

Теглар

меҳнат бозори меҳнат шартномаси ижтимоий ҳимоя ишсизлик нафақаси иш ўринлари захираси

Мавзуга оид

Бугун 08:00

Йўл қоидаларини бузганларга жарима ўрнига энди оғзаки огоҳлантириш ҳам берилади

Сенат томонидан кўриб чиқилган янги Қонун ҳайдовчилар ва пиёдаларга тегишли маъмурий жазо тизимини инсонпарварроқ қилишга қаратилган.

28.10.2025 | 14:00

Самарқандда 5 гектар майдонда «UNESCO боғи» барпо этилади

UNESCO Бош конференциясининг 43-сессияси муносабати билан Самарқанд шаҳрида боғ ташкил этилади.

31.10.2025 | 12:35

Наманганда 30 миллиард сўмлик қалбаки дори воситалари аниқланди

Айбланувчилар санитария талабларига жавоб бермайдиган жойда, номларини ўзгартирган ҳолда 9 турдаги контрафакт дори воситаларини тайёрлаб келган.

Бугун 20:57

Украинадаги ёш йигитлар мамлакатни оммавий тарк этишмоқда

Бу тобора мураккаблашиб бораётган вазиятга жиддий хавф туғдириши мумкин.

30.10.2025 | 15:24

Тошкент мактабларида ниқоб тақиш мажбурий эмас — ССВ

Соғлиқни сақлаш вазирлиги мактабларда ниқоб тақиш режими жорий этилгани ҳақидаги хабарларни рад этди.

30.10.2025 | 18:20

Риодаги полиция рейдида 130 дан ортиқ киши ҳалок бўлди

Бразилиянинг Рио-де-Жанейро шаҳрида «нарко-террористлар»га қарши ўтказилган полиция амалиёти фожиага айланди — қурбонлар сони 132 нафарга етди, улар орасида бегуноҳ фуқаролар ҳам борлиги айтилмоқда.