«Жаҳаннамга қараб кетаяпсизлар» — Трамп Европани очиқ чегаралар учун қаттиқ танқид қилди

АҚШ президенти Доналд Трамп 23 сентябр куни БМТ Бош Ассамблеясида нутқ сўзлаб, Европа Иттифоқининг очиқ чегаралар сиёсати ва иқлим ўзгаришига қарши кураш чораларини кескин танқид қилди. «Очиқ чегаралар билан боғлиқ барбод бўлган экспериментни тўхтатиш фурсати етди. Мамлакатларинг жаҳаннамга қараб кетмоқда», — деди Трамп ўз нутқида. Унинг таъкидлашича, Европа ҳозирги сиёсатини давом эттирса, маданий ва иқтисодий инқироздан қутула олмайди. Трампнинг нутқида иммиграция асосий мавзулардан бири бўлди. У Европа мамлакатларини кўп сонли мигрантларни қабул қилиш орқали ўз маданияти, иқтисодиёти ва қонуниятларини йўқотишда айблади. Шу билан бирга, у ўз маъмурияти даврида АҚШда ноқонуний оммавий иммиграцияни тўхтатганини таъкидлади. Доналд Трамп ўз нутқида халқаро ҳамжамиятни сўз ва дин эркинлигини ҳимоя қилишга чақирди. У насронийликни айни вақтда энг кўп таъқиб қилинаётган дин дея таърифлади: «Ҳозир энг кўп ҳимояга муҳтож дин бу — насронийлик», — деди АҚШ етакчиси.