«Malika» бозори яқинидаги йўлларда тирбандликларни бартараф этиш режалаштирилмоқда
Тошкент шаҳридаги «Malika» бозори атрофида ҳаракатни тартибга солиш жараёнида бекатларнинг жойлашуви ўзгартирилади, ҳаракат схемасини тузатилиб, светофорлар ишини оптималлаштириш ва парковкаларни тартибга солиш ишлари амалга оширилади.
Тошкент шаҳрида Йўл ҳаракатини ташкил этиш маркази «Malika» бозори атрофидаги тўсиқлар битта бекатга боғлиқ эмаслигини маълум қилди. Ҳудудда транспорт оқими, жамоат транспорти, пиёдалар ва бозорга кириш йўллари бир вақтда кесиши сабабли мураккаб вазият юзага келмоқда.
Мутахассислар чорраҳа геометрияси ва йўлакларнинг ўтказувчанлик қобилиятини, шунингдек, светофор бошқаруви тизими самарадорлигини баҳолаб, турли вариантларни моделлаштирмоқда. Шунингдек, йўл қисмидан фойдаланиш, тўхташ жойлари ва транспорт оқимининг таъсири ўрганилмоқда.
Иш жараёнида:
Чорраҳа геометрияси ва йўлакларнинг ўтказувчанлик қобилияти таҳлил қилинмоқда;
Светофор бошқаруви тизими самарадорлиги баҳоланмоқда;
Йўл қисмидан амалдаги фойдаланиш ҳолати, жумладан, тўхташ жойлари ҳисобга олинмоқда;
Турли ечимларнинг транспорт ва пиёдалар оқимига таъсири моделлаштирилмоқда.
Янги автобус йўлаклари
Шу билан бирга, Тошкент шаҳрида 2026-йилда тўрта кўчада BRT (Bus Rapid Transit) йўлаклари ташкил этилиши режалаштирилган. Дастлабки босқичда 16,2 километр узунликдаги йўналишлар Шаҳрисабз, Амир Темур, Мирзо Улуғбек ва Янги Сергели кўчаларини қамраб олади. Ҳозирда тизимни жорий этиш бўйича ўрганиш ишлари олиб борилмоқда.
Бу ишлар натижасида ҳудуддаги тўсиқлар камайиши, жамоат транспорти самарадорлиги ошиши ва пиёдалар учун хавфсиз йўл шароити яратилиши кутиламоқда. Мутахассислар комплекс ёндашув орқали ҳудуддаги транспорт оқимини тартибга солиш имкониятини кўриб чиқмоқда.
