Мамданининг ғалабасидан кейин Трамп Ню Йорк шаҳрини молиялаштиришни қисқартирди
Мамдани Трамп каби миллиардерларнинг солиқ тўлашдан бўйин товлаши ва коррупцияга барҳам беришини айтган.
Ню Йоркда тарих ёзилди! Демократ Зоҳран Мамдани 50,6 фоиз овоз олиб, шаҳарнинг биринчи мусулмон мэри бўлди. Сайловдаги ғалабадан сўнг Мамдани АҚШ президенти Доналд Трампга кескин хабарлар йўллади, Трамп эса таҳдидини амалга ошириб, Ню-Йорк шаҳар ҳокимлигининг маблағларини қисқартирди.
Мамданининг тарихий ғалабаси
Ню Йоркда Демократик партиядан мэрликка номзод Зоҳран Мамдани, AP’нинг норасмий натижаларига кўра 50,6 фоиз овоз олиб, Ню Йоркнинг биринчи мусулмон мэри бўлди. 34 ёшли Мамдани ўзининг энг яқин рақиби мустақил номзод Эндрю Куомодан тахминан 9 фоизга устун келди.
«Ню Йорк бу кеча ўзгаришлар учун ваколат берди, сиз янги турдаги сиёсат учун ваколат бердингиз», - деди у сайловдаги ғалабасидан сўнг сўзлаган нутқида.
«Сиёсий сулолани ағдардик»
Мамдани сайловдаги ғалабаси билан Ню Йорк бундан буён мусулмонларга қарши нафрат сўзлари ютган шаҳар бўлиб қолмаслигини таъкидлади.
«Деспотни қўрқитишнинг йўли — унинг ҳокимиятга эга бўлишига имкон берадиган шарт-шароитларни йўқ қилишдир», - деди Мамдани АҚШ президенти Доналд Трампга мурожаат қилиб: «Овозни баландлатинг, чунки сиз мени кузатиб турганингизни биламан».
Трамп Ню Йорк фондини қисқартирди
Сайлов кампанияси вақтида Мамданига қарши баёнотлар берган Трамп уни «коммунистик руҳий бемор» деб атаган ва агар сайланса, Ню Йорк шаҳрига федерал молиялашни қисқартиришга ваъда берган. Мамданининг ғалабасидан сўнг Трамп ваъдасини бажарди ва Ню Йорк шаҳрини молиялаштиришни қисқартирди.
Мамдани Трамп каби миллиардерларнинг солиқ тўлашдан бўйин товлаш ва коррупция маданиятига барҳам беришларини айтди.
«Ню Йорк муҳожирлар томонидан қурилган шаҳар ва бугун тундан бошлаб у муҳожирлар бошқарадиган шаҳар бўлиб қолади», - деди у. Мамдани, шунингдек, ўзининг кимлиги ва сиёсий қарашларини қабул қилишини таъкидлаб, «Мен мусулмонман. Мен демократик социалистман. Бунинг учун узр сўрашни рад этаман», - деди.
Сайловдаги ғалабаси билан Мамдани улар Ню Йоркда жасур янги сиёсий йўлга киришишларини эълон қилди.
«Бу шунчаки Трампни тўхтатиш эмас, бу кейинги диктатурани тўхтатиш йўлидир», - деди Мамдани ўзгаришлар даврига ишора қилиб.
