Майкл Сейлор: 2035 йилда биткойн олтиндан қиммат актив бўлади

Бугун 19:501631

Strategy раҳбари Майкл Сейлор фикрича, биткойн 2035 йилга бориб олтиндан ҳам қиммат ва мустаҳкам активга айланиши мумкин.

Майкл Сейлор: 2035 йилда биткойн олтиндан қиммат актив бўлади

Сейлор Yahoo Finance нашрига берган интервюсида таъкидлашича, биткойннинг 21 миллионлик чекланган таркиби уни олтиндан устун қилади. Унинг фикрича, криптовалюта йиллар давомида камёблашиб, узоқ муддатли сармоя сифатида янада жозибадор бўлиб боради.

Сейлорнинг прогнозига кўра, 2035 йилга келиб биткойнларнинг 99 фоизи «қазиб» олинади. Шу сабабли, у буни «0,99 йили» деб атайди ва кейинги 1 фоиз биткойн 100 йил давомида аста-секин бозорга чиқарилади. Бу ҳолат эса валютада кучли тақчиллик юзага келтириб, унга бўлган талабни оширади.

Ҳозирда биткойннинг бозор капитали тахминан 1,9 трлн долларни ташкил этади. Олтиннинг умумий капитали эса 29 трлн доллардан ортиқ. Ушбу фарқни йўққа чиқариш учун 1 биткойн нархи камида 1,4 млн долларга етиши лозим. Сейлор бу мақсадга етилишини деярли аниқ, деб ҳисоблайди.

Унинг сўзларига кўра, йирик молиявий институтлар биткойнни рақамли олтин сифатида қабул қилмоқда. Сармоядорлар учун буни ютуқ деб атаётган Сейлор, «энди сотиб олиш учун кеч қолмаслик керак», деб огоҳлантиради. Унинг 2025 йил охиригача биткойн 150 000 долларга етиши ҳақидаги прогнози ҳам шундай оптимистик руҳда айтилган.

Бироқ 13 ноябр куни биткойн нархи пасайишга юз тутди ва 15 ноябр тонгги ҳолатига кўра 95 782 доллар даражасида турибди. Ethereum эса сўнгги 24 соатда 10 фоиз арзонлашиб, 3176 долларга тушди.

Теглар

криптовалюта сармоя биткойн Майкл Сейлор рақамли олтин

Мавзуга оид

12.11.2025 | 16:55

Давлат банкларини хусусийлаштириш нега кечикмоқда?

Fitch Ratings cўнгги ҳисоботида Ўзбекистонда банкларни хусусийлаштириш сиёсати ўзгарганига изоҳ берди.

11.11.2025 | 15:05

Ўзбекистонда исломий банк фаолиятини жорий этиш бўйича қонун лойиҳаси қабул қилинди

Депутатлар исломий банк хизматларини амалга оширишни ҳуқуқий жиҳатдан тартибга солувчи қонун лойиҳасини иккинчи ўқишда маъқуллаб, Сенатга юборди.

13.11.2025 | 12:55

UzNIF акциялар ҳажмини 8,64 трлн донага етказди

UzNIF акциялар миқдорини сезиларли кенгайтирди. Бу келгуси транзакциялар ва активлар алмашинуви учун ҳуқуқий ва техник асос сифатида хизмат қилади.

10.11.2025 | 14:18

18 та банк сайти давлат тили ва маълумот ошкор этиш талабларини бузган

Марказий банк томонидан тижорат банклари сайтларида ахборотни давлат тилида тақдим этиш ва маълумотларни ошкор қилиш талаблари бузилганини аниқланди ва жарима белгиланди.

13.11.2025 | 11:23

TBC Bankда кузатув ва бошқарув тизими янгиланди

TBC Bankда кузатув кенгаши ва ташкилий тузилма янгиланди. Янги структура тезкор бошқарув, жавобгарлик аниқлиги ва ички ишларни соддалаштиришни кўзлайди.

13.11.2025 | 18:00

Кредит олишни ўзига-ўзи тақиқлаш хизмати: у қандай ишлайди?

Сўнгги йилларда Ўзбекистонда кредит билан боғлиқ фирибгарлик ва кибержиноятлар кескин кўпайди. Шу муносабат билан жисмоний шахслар учун «ўзига ўзи кредит олишни тақиқлаш» хизмати жорий этилди. Vaqt.uz тизимни қандай фаоллаштириш ва бекор қилишга оид махсус қўлланма тайёрлади.