Ўзбекистонда ахборот ва алоқа соҳасида қарийб 6 трлн сўм инвестиция ўзлаштирилди

Бугун 18:49561

Ахборот ва алоқа соҳасининг умумий инвестициялардаги улуши 3,3 фоизни ташкил этгани маълум қилинди.

Ўзбекистонда ахборот ва алоқа соҳасида қарийб 6 трлн сўм инвестиция ўзлаштирилди

Миллий статистика қўмитаси маълум қилишича, 2025 йилнинг тўққиз ойида ахборот ва алоқа соҳасига 5,9 триллион сўм инвестиция жалб этилди. Бу умумий сармоялар ҳажмининг 3,3 фоизини ташкил этди.

Қайд этилишича, соҳанинг умумий инвестициялар тизимидаги улуши 3,3 фоизни ташкил этган бўлса, шундан 1,3 фоиз қисми алоқа инфратузилмасини ривожлантиришга йўналтирилган.

Йиллар кесимида қарайдиган бўлсак, ахборот ва алоқа соҳасидаги инвестициялар ҳажми охирги беш йилда ўсиб бормоқда. 2020 йилда бу кўрсаткич 3,7 трлн сўмни ташкил этган бўлса, 2021 йилда 3 трлн сўмгача тушган. Шунингдек, 2022 йилда 4,8 трлн сўм, 2023 йилда 7,2 трлн сўм ва 2024 йилда 7,4 трлн сўм инвестиция жалб қилинган.

Аввалроқ 2025 йилнинг 9 ойида мамлакатда асосий капиталга йўналтирилган инвестициялар ҳажми 443,6 трлн сўмни ташкил этгани ҳақида хабар берилганди. Шунингдек, ҳудудлар кесимида энг кўп инвестиция 71,8 трлн сўм билан Тошкент шаҳри ҳиссасига тўғри келган.

Теглар

инвестиция иқтисод статистика ахборот ва алоқа

Мавзуга оид

31.10.2025 | 10:55

«Golden House» қурилиш компанияси огоҳлантирилди

Компания шартномаларида харидор ўз ташаббуси билан келишувни бекор қилган ёки қурилиш фаолиятидан норози бўлиб ОАВ, тегишли идора ва ташкилотларга мурожаат қилган тақдирда шартнома қийматининг 10 фоизи миқдорида жарима қўлланиши белгилангани аниқланган.

Бугун 15:54

АҚШ давлат котиби Ўзбекистонга келмоқчи

АҚШ давлат котиби Марко Рубио 2026 йили Марказий Осиё мамлакатлари бўйлаб сафари доирасида Ўзбекистонга ташриф буюришини маълум қилди.

31.10.2025 | 19:50

Эртадан ўзбекистонликлар ҳаётида нималар ўзгаради?

1 ноябрдан Ўзбекистонда қатор қонунчилик ва маъмурий ўзгаришлар кучга кирмоқда. Улар тадбиркорликка ёрдам бериш, аҳолининг айрим тоифаларини қўллаб-қувватлаш, касбга қайта тайёрланиш имкониятларини кенгайтириш ва давлат хизматлари самарадорлигини оширишга қаратилган.

31.10.2025 | 17:40

Кам таъминланган фуқароларга Конституциявий судда ҳам бепул адвокат берилади

Сенат моддий қийин аҳволдаги фуқароларга Конституциявий судда ҳам давлат ҳисобидан адвокат ёрдамини олиш имконини яратувчи қонунни қабул қилди.

04.11.2025 | 15:45

Эртага Тошкентда ва баъзи вилоятларда қор ёғиши мумкин

4-6 ноябр кунлари республиканинг барча ҳудудларига совуқ ва нисбатан нам ҳаво массалари кириб келади. Республика бўйича об-ҳавонинг кескин совиб кетиши кутилмоқда.

04.11.2025 | 11:55

Қорамолларда «Нодуляр дерматит» тарқалгани ҳақидаги хабарга расмий изоҳ берилди

Ветеринария ва чорвачилик қўмитаси чорвадорлар касаллик авж олаётганини айтган, журналист ўз кўзи билан кўрган ҳолатни Ветеринария ва чорвачилик қўмитаси «уйдирма хабар» деб атади.