Швейцария Мадуронинг активларини музлатиб қўйди
Агар музлатилган активларнинг келиб чиқиши ноқонуний бўлса, улар Венесуэла халқи манфаатлари учун йўналтирилади.
Швейцария Федерал кенгаши Венесуэла президенти Николас Мадуронинг барча мол-мулкини музлатиш тўғрисида қарор қабул қилди. Ушбу баёнот Швейцария ҳукуматининг расмий веб-сайтида эълон қилинди.
«Федерал кенгаш 2026 йил 5 январда Николас Мадуро ва унинг атрофидаги бошқа шахсларнинг Швейцариядаги барча активларини дарҳол музлатиш тўғрисида қарор қабул қилди. Шу орқали Федерал кенгаш активларнинг четга чиқарилишини олдини олмоқчи. Музлатиш Венесуэланинг амалдаги ҳукумати аъзоларининг ҳеч бирига таъсир кўрсатмади», - дейилади баёнотда.
Шунингдек, матбуот хабарида таъкидланишича, агар музлатилган активларнинг ноқонуний келиб чиқиши аниқланса, «Швейцария бу маблағлар Венесуэла халқига фойда келтириши учун барча чораларни кўради».
3 январ куни АҚШ Венесуэлага ҳужум уюштирди, Николас Мадуро ва унинг рафиқаси Силия Флоресни қўлга олди, сўнгра уларни Ню-Йоркка олиб кетди. CBS News хабарига кўра, эр-хотиннинг биринчи суд мажлиси 5 январ куни бўлиб ўтади.
Федерал кенгаш маълум қилишича, бу блоклаш Венесуэлага нисбатан 2018 йилдан бери амалда бўлган шунга ўхшаш чекловларга қўшимча сифатида киритилди.
АҚШ 3 январ куни Венесуэлага кенг кўламли ҳужум уюштирди, мамлакат президенти Николас Мадуро ва унинг рафиқаси Силия Флорес қўлга олиниб, Ню-Йоркка олиб кетилди. АҚШ президенти Доналд Трамп Мадуро ва Флорес "наркотерроризм"га алоқадор бўлгани ва шу жумладан, АҚШга ҳам таҳдид солгани учун суд олдида жавоб беришларини маълум қилди.
Каракас АҚШнинг ушбу ҳарбий операцияси муносабати билан БМТнинг фавқулодда йиғилишини талаб қилди, Венесуэла Олий суди давлат раҳбари вазифасини вақтинча вице-президент Делси Родригесга юклади.
