Трамп Байденнинг буйруқларини автоқалам билан бекор қилди
Трампга кўра, Байден автоқаламни қўллаш жараёнига аралашмаган. «Агар у бунинг аксини айтса, унга ёлғон гувоҳлик берганлик айби қўйилиши мумкин», - дея қўшимча қилди у.
АҚШ президенти Доналд Трамп ўзидан олдинги 46-президент Жо Байден томонидан автоматик имзолаш қурилмаси - автопер ёрдамида имзоланган барча фармонлар ва бошқа ҳужжатларни бекор қилишга қарор қилди.
«Уйқучи Жо Байден томонидан автопер ёрдамида имзоланган ҳар қандай ҳужжат, яъни барча ҳужжатларнинг тахминан 92 фоизи, шу билан бекор қилинади ва ўз кучини йўқотади. Автоқаламдан Қўшма Штатлар президентининг махсус рухсатисиз фойдаланиш мумкин эмас», - деб ёзди Трамп Truth Social ижтимоий тармоғида.
У яна қўшимча қилишича, Байден учун ҳужжатларни автопер ёрдамида имзолаган ёрдамчилари буни ноқонуний равишда амалга оширган.
Автопер Жо Байденнинг президентлик муддати охирида афв этиш ва жазоларни енгиллаштириш учун ишлатилган. Байденнинг ўзи қарорларни оғзаки маъқуллаганини, ёрдамчилари эса "кўп сонли одамлар ҳақида гап кетаётгани" учун автопердан фойдаланганини айтган.
