Yunusobod va Sergelida yangi hokimlar: boshqaruvga bankir va moliyachi keldi

Kecha 23:272121 daqiqa

Abrorxo‘ja Saidaliyev Yunusobod tumani hokimi etib, Davron Ismatov esa Sergeli tumani hokimi lavozimiga tasdiqlangan.

Yunusobod va Sergelida yangi hokimlar: boshqaruvga bankir va moliyachi keldi

Toshkent shahrining ikkita yirik ma’muriy-hududiy birligi — Yunusobod va Sergeli tumanlarida rahbariyat o‘zgardi.Toshkent shahar hokimligi matbuot xizmati xabariga ko‘ra, Abrorxo‘ja Saidaliyev Yunusobod tumani hokimi etib, Davron Ismatov esa Sergeli tumani hokimi lavozimiga tasdiqlangan.

Yunusobod tumanining yangi hokimi Abrorxo‘ja Rustamxo‘ja o‘g‘li Saidaliyev 1994 yilda Toshkent shahrida tug‘ilgan. Ma’lumoti oliy – 2017 yilda O‘zbekiston milliy universiteti, 2021 yilda – Toshkent davlat iqtisodiyot universitetini tamomlagan. 2018 yildan Mirzo Ulug‘bek tumani hokimligida ishlagan va 2022 yilning iyun oyidan ushbu tuman hokimining moliya-iqtisodiyot va kambag‘allikni qisqartirish masalalari bo‘yicha birinchi o‘rinbosari – tuman iqtisodiyot va moliya bo‘limi boshlig‘i lavozimida faoliyat yuritgan.

Saidaliyev Abrorxo‘ja

Sergeli tumaniga rahbar etib tayinlangan Davron Raximdjonovich Ismatov esa bank-moliya sohasida salmoqli tajribaga ega mutaxassis hisoblanadi. Davron Ismatov 1982 yilda Toshkent shahrida tug‘ilgan.

Ismatov Davron

Ma’lumoti oliy – Toshkent moliya instituti hamda O‘zbekiston Respublikasi Prezidenti huzuridagi Davlat boshqaruv akademiyasida tahsil olgan. 2024 yil fevral oyidan Markaziy bank Toshkent shahar bosh boshqarmasi boshlig‘i lavozimida ishlagan.

Teglar

tayinlov Toshkent shahar hokimligi Sergeli tumani Abrorxo‘ja Saidaliyev Davron Ismatov Yunusobod tumani

Mavzuga oid

Kecha 17:48

Siddiqov o‘rniga Sanginov: «O‘zbekneftgaz» AJ boshqaruvi raisi o‘zgardi

«O‘zbekneftgaz» AJni ikki yildan ortiq vaqt mobaynida boshqarib kelayotgan Bahodirjon Siddiqov o‘rniga Abdug‘ani Sanginov tayinlangani aytilmoqda.

Kecha 19:58

Oliy ta’lim: Bolonya jarayoni

«Ta’lim vaqti»ning bu sonida Bolonya jarayonining mohiyati, uning talabalar uchun ochayotgan yangi eshiklari, universitetlar faoliyatidagi tub o‘zgarishlar, jamiyat taraqqiyotiga ta’siri, akademik mobililik va xalqaro tan olinishing bugungi kundagi strategik ahamiyati, shuningdek, ushbu jarayon oliy ta’lim tizimi tomonidan qay darajada samarali joriy etilayotganligi haqida ochiq, xolis va tahliliy mulohaza qilinadi.

Kecha 22:30

O‘zbekiston fuqarolari uchun Yevropaga chiqish tartibi yengillashtirilishi kutilmoqda

O‘zbekiston Yevropa Ittifoqi bilan viza tartibini soddalashtirish bo‘yicha muzokaralarni boshladi.

Kecha 20:15

Farg‘ona neftni qayta ishlash zavodiga yil oxirigacha 35 ming tonna neft yetkaziladi

Yetkazib beriladigan xom neft to‘liq qayta ishlanib, undan olinadigan benzin, dizel yoqilg‘isi, aviayoqilg‘i va moy mahsulotlari O‘zbekiston ichki bozoriga yo‘naltiriladi.

Kecha 22:14

Poytaxt bosh rejasiga o‘zgartirish, savdodagi yirik soliq to‘lovchi va Saudiyaga oshgan safarlar — 17-dekabr dayjesti

Kun davomida O‘zbekistonda yuz bergan voqealar va hodisalar, yoritilgan yangiliklar va xabarlarning eng muhimlarini yana bir bor esga olamiz.

Kecha 20:45