Алиев Пезешкиёнга: Сиз Грузия сувини ичяпсиз, Озарбойжонникини татиб кўринг
Эрон президенти «Borjomi» ичаётган эди. Улар озарбойжон тилида гаплашди.
© Report.azОзарбойжон президенти Илҳом Алиев Бишкекда Эрон президенти Масъуд Пезешкиён билан расмий учрашувдан олдин унга Келбажар ҳудудида ишлаб чиқариладиган «Istisu» минерал сувини татиб кўришни таклиф қилди.
Озарбойжон ва Эрон президентларининг учрашуви бошланишидан олдин улар ўртасида илиқ ва самимий суҳбат бўлиб ўтди.
Алиев Пезешкиёнга «Borjomi» — Грузияда ишлаб чиқариладиган минерал сув қуйилганини кўриб, унга Озарбайжоннинг Келбажардан келтирилган «Istisu» сувини ҳам татиб кўришни таклиф қилди.
«Сиз Грузия сувини ичяпсиз, Озарбойжон сувини ҳам ичиб кўринг. Бу ерда ажойиб ‘Istisu’ бор», — деди Алиев.
Пезешкиён сувдан татиб кўрди ва унинг реакциясига қараганда, сув унга ёққанга ўхшайди. Яна бир эътиборли жиҳати — президентларнинг бу суҳбати озарбайжон тилида бўлиб ўтган.
