Kim Chen In: Yadroviy maqom abadiydir

Bugun 21:201 daqiqa

Shimoliy Koreya yetakchisi Janubiy Koreyani «eng ashaddiy dushman davlat» deb atadi.

Shimoliy Koreya yetakchisi Kim Chen In mamlakat yadroviy davlat maqomidan hech qachon voz kechmasligini e’lon qildi. Bu haqda Koreya markaziy telegraf agentligi xabar berdi.

«Respublika hukumati yadroviy davlat maqomini mutlaqo qaytmas darajada mustahkamlashda davom etadi. Bizga qarshi kuchlarning har qanday ig‘volarini chilparchin qilish uchun ularga nisbatan hujumkor kurash olib boriladi», — dedi Kim Chen In.

Bayonot va harbiy strategiya

Uning so‘zlariga ko‘ra, Pxenyan mudofaa qudratini uzluksiz oshirib, mamlakatni «yengilmas qal’a»ga aylantiradi. Kim Chen In xavfsizlikni ta’minlash va mintaqada tinchlikni saqlash uchun Shimoliy Koreya o‘z kuch-qudratini namoyish etishi shartligini ta’kidladi.

Bundan tashqari, Shimoliy Koreya yetakchisi Janubiy Koreyani «eng ashaddiy dushman davlat» deb atadi. U Seul tomonidan qilinadigan har qanday ig‘voga munosib javob qaytarilishini va buning uchun Janubiy Koreya og‘ir tovon to‘lashini qo‘shimcha qildi.

Siyosiy qarorlar va mudofaa xarajatlari

Mazkur bayonotlar KXDR Oliy xalq majlisining 15-chaqiriq birinchi sessiyasidagi dasturiy nutqda yangradi. Ushbu yig‘ilishda Kim Chen In yana Davlat ishlari raisi lavozimiga qayta saylandi.

Shu bilan birga, mamlakat mudofaa xarajatlarini oshirishni rejalashtirilmoqda.

Mamlakatning mudofaa xarajatlari 2025-yilda budjetning 15,7 foizini tashkil etgan bo‘lsa, 2026-yilda bu ko‘rsatkich 15,8 foizga yetkaziladi.

Teglar

KXDR yadro Pxenyan KimChenIn JanubiyKoreya

Mavzuga oid

Bugun 16:48

Tramp Eron boshqaruvini ham qo‘lga olmoqchi

Urush davom etar ekan, Tehron va Vashingtondan muzokaralar haqida bir-biriga qarama-qarshi bayonotlar yangray boshladi. Tramp Eronga «juda hurmatli» yangi rahbar tayinlanishi mumkinligini da’vo qildi. OAV esa gap Eron parlamenti spikeri haqida ketayotgan bo‘lishi mumkinligini yozmoqda.

Kecha 13:21

YI Vengriyani Rossiyaga ma’lumot yetkazish ehtimoli sabab maxfiy muzokaralardan chetlatdi — OAV

Polsha bosh vazirining bayonotidan so‘ng, YI yetakchilari muhim masalalarni Vengriya ishtirokisiz, kichikroq formatlarda muhokama qila boshlagan.

Kecha 16:49

Dunyo iqtisodiyoti uzoq muddatli «koma» holatiga kirmoqda

Yaqin Sharqdagi urush ta’minot zanjirini izdan chiqarib, global bozorlarda uzoq davom etuvchi inqirozni boshlamoqda.

Bugun 10:55

Kolumbiyada 125 kishi bo‘lgan harbiy samolyot quladi

Kolumbiyada bortida 125 kishi bo‘lgan harbiy samolyot quladi, kamida 66 halok bo‘lgani aytilmoqda.

Kecha 08:30

Mark Ryutte: «NATO Eronga qarshi urushda Trampni qo‘llab-quvvatlashi lozim»

NATO Bosh kotibi Mark Ryutte alyans davlatlarini Eronga qarshi harbiy amaliyotda AQSH Prezidenti Donald Tramp atrofida jipslashishga va yadroviy tahdidning oldini olishda «yagona front» bo‘lib chiqishga chaqirdi.

Bugun 08:00

«Claude» va «ChatGPT» urushi: SI bozoridagi yangi geosiyosiy va texnologik kurash

Bir tomonda harbiy shartnomalar va davlat xavfsizligi, ikkinchi tomonda reklama va millionlab foydalanuvchilar. «Claude» va «ChatGPT» raqobati endi oddiy texnologik kurash emas. Sun’iy intellekt xizmatlari O‘zbekistonda ham tez ommalashar ekan, bu ikki gigant o‘rtasidagi global raqobat mahalliy bozorga ham ta’sir ko‘rsatishi mumkinmi, degan savol kun tartibi chiqmoqda.