Osmonni quchganlar va yerdagi umidlar: Xastimom majmuasidan bahoriy fotoreportaj
Qishning so‘nggi haftasida yana salqin rutubatli kunlar boshlanishidan avval poytaxtda havo bir isib oldi. Bahoriy kunlarda Xastimom maydoni varrak uchirayotgan bolalar bilan to‘ldi. VAQT.UZ fotomuxbiri Javhar Chorshanbiyeva tayyorlagan fotojamlanmani e’tiboringizga havola etamiz.
Fevralning so‘nggi haftasi. Qish asta-sekin o‘z o‘rnini bahorga bo‘shatib bermoqda. Kunlar sezilarli darajada isib, qalin ust-boshlar o‘rnini yorqin liboslar egallagan, shaharda muzqaymoq mavsumi ham allaqachon boshlanib ulgurgan.
Keng, toza, tarixiy qiymatga ega Xastimom majmuasi maydonida o‘ziga xos jonlanish: sokin sayr qilayotgan bobo-buvilar, farzandiga termulgan ota-onalar va bahor nashidasini surayotgan juftliklar. Osmon turfa varraklarga, maydon esa bolalarning shodon kulgusi, ota-onasiga qilayotgan erkaliklari va kichik xarxashalariga to‘lgan.
Ammo hayot faqat o‘yindan iborat emas: bu shovqinli manzara chekkasida, qo‘lidagi varraklarni sotib o‘tirgan, tirikchilik ilinjidagi murg‘ak yelkalar va o‘ychan nigohlar ham ko‘zga tashlanadi. Yerdagi hayot tashvishlari va osmondagi umid uchqunlari tutashgan manzaralar —Vaqt.uz ning bahor ostonasidagi maxsus fotoreportajida.
Teglar
