Logo

Айрим шифохоналарда аҳолидан 200 млн сўмдан ортиқ пул асоссиз олингани маълум бўлди

Бугун 15:152 дақиқа
ЖАМИЯТ
|
Саломатлик

Учта тиббиёт муассасасига нисбатан белгиланган тартибда иш қўзғатилди. Тарифларни амалдаги тартиб ва талаблар асосида қайта шакллантириш ҳамда нархларни мақбуллаштириш, 125 млн сўмга яқин маблағни истеъмолчиларга қайтариш бўйича бажарилиши мажбурий бўлган кўрсатмалар берилди.

Айрим шифохоналарда аҳолидан 200 млн сўмдан ортиқ пул асоссиз олингани маълум бўлди © Ijtimoiy tarmoqlar

Наманган, Самарқанд ва Навоийдаги тиббиёт муассасаларида фуқаролардан 200 млн сўмдан ортиқ асоссиз маблағ олингани аниқланиб, қайтарилиши белгиланди. Бу ҳақда Рақобатни ривожлантириш ва истеъмолчилар ҳуқуқларини ҳимоя қилиш қўмитаси хабар берди.

Айтилишича, аҳолига кўрсатилаётган пулли тиббий хизматлар нархларининг шакллантирилиши бўйича тегишли қонунчилик талабларига риоя этилиши юзасидан ўрганиш ишлари олиб борилганда Наманган вилояти болалар кўп тармоқли тиббиёт марказида томонидан 2026-йилнинг февраль, март ва апрель ойларида УЗИ аппарати орқали кўрсатилган хизматлар бўйича жами 416 нафар истеъмолчидан навбатдаги қиёслов кўригидан ўтказилмаган ҳолда 34,3 млн сўм маблағ асоссиз олингани аниқланган.

Қолаверса, Самарқанд вилоятининг Каттақўрғон туман соғлиқни сақлаш бўлимида ўтказилган ўрганишлар давомида муассаса томонидан 2024–2025-йиллар давомида белгиланган тартибларга риоя этмаган ҳолда нархларни ошириб белгилаш натижасида беморларга кўрсатилган пулли тиббий хизматлар бўйича 55,7 млн сўмга яқин ортиқча маблағ олингани маълум бўлди.

Бундан ташқари, республика ихтисослаштирилган она ва бола саломатлиги илмий-амалий тиббиёт маркази Навоий вилояти филиалида ўтказилган ўрганишлар давомида муассаса томонидан 2023–2025-йиллар давомида белгиланган талабларга риоя этмаган ҳолда нархларни ошириб белгилаш натижасида беморларга кўрсатилган пулли тиббий хизматларда 35 млн сўмга яқин ортиқча маблағ олингани аниқланди.

Юқоридагиларга кўра, Наманган, Самарқанд ва Навоий вилояти ҳудудий бошқармалари махсус комиссиялари томонидан қонунбузилиш ҳолатлари юзасидан мазкур учта тиббиёт муассасаларига нисбатан белгиланган тартибда иш қўзғатилди. Шунингдек, тарифларни амалдаги тартиб ва талаблар асосида қайта шакллантириш ҳамда нархларни мақбуллаштириш, 125 млн сўмга яқин маблағни истеъмолчиларга қайтариш бўйича бажарилиши мажбурий бўлган кўрсатмалар берилди.

Эслатиб ўтамиз, аввалроқ дори нархларини асоссиз оширган учта фармацевтика компанияси ортиқча олинган маблағни қайтарганди.

Теглар

тиббий хизматшифохонаРақобат қўмитаситиббиётасоссиз маблағпулли хизматлар

Мавзуга оид

«Коллеж деган бало»: Эски тизимнинг ўзи хатомиди ёки ижро барбод бўлдими?
27.09.2026 | 15:55

«Коллеж деган бало»: Эски тизимнинг ўзи хатомиди ёки ижро барбод бўлдими?

«Фикр вақти»нинг янги сонида таълим экспертлари Умид Эшмуҳаммедов ва Хуршид Тўхтаназаров билан биргаликда коллежларнинг тугатилиш сабаблари ҳамда уларнинг ўрнини эгаллаган техникумлар самараси таҳлил қилинади.

Ўзбекистонда меҳнат соҳасида тазйиқ ва зўравонликка қарши ягона рақамли тизим жорий этилмоқда
22.09.2026 | 16:05

Ўзбекистонда меҳнат соҳасида тазйиқ ва зўравонликка қарши ягона рақамли тизим жорий этилмоқда

Устав капиталида давлат улуши 50 фоиз ва ундан ортиқ бўлган ташкилотларда дастур мажбурий тарзда босқичма-босқич жорий этилади, нодавлат сектор эса «dmi.mehnat.uz» тизими орқали ушбу имкониятлардан ихтиёрий равишда фойдаланиши мумкин бўлади.

Тошкентда октябрдан жамоат транспортида йўлкира нархлари оширилади
Кеча 10:25

Тошкентда октябрдан жамоат транспортида йўлкира нархлари оширилади

Метро ва автобусларда картадан тўлаш ёки онлайн тўлов 1700 сўмдан 2500 сўмга ошади. Нақд тўловдаги йўлкира эса 3000 сўм бўлиб, ўзгаришсиз қолади.

Пойтахтда парк ва яшил ҳудудларнинг сотуви оммалашмоқда: «Наврўз» боғи ҳам сотувга чиқарилди
23.09.2026 | 17:25

Пойтахтда парк ва яшил ҳудудларнинг сотуви оммалашмоқда: «Наврўз» боғи ҳам сотувга чиқарилди

Аукциондаги сумманинг ўзи ҳудуднинг қанчалик қиммат эканини кўрсатади. Оддий ҳисобда, бир гектар учун ўртача 206 млрд сўмдан ортиқ бошланғич нарх келиб чиқади. Объектлардаги бинолар, уларнинг ҳолати, инфратузилма, ердан фойдаланиш ҳуқуқи ва бошқа шартлар якуний қийматга таъсир қилиши мумкин. Урбанизация миллий қўмитаси нима деяпти?

Намангандаги 5 ёшли қизалоқнинг оиласи бошқа шаҳарга кўчирилади
27.09.2026 | 18:25

Намангандаги 5 ёшли қизалоқнинг оиласи бошқа шаҳарга кўчирилади

Учқўрғонда жинсий зўравонликка учраган 5 ёшли қизалоқ ва унинг оиласи уй-жой ҳамда реабилитация билан таъминланиб, бошқа шаҳарга кўчирилади.

Намангандаги зўравонлик юзасидан Саида Мирзиёева муносабат билдирди
27.09.2026 | 09:43

Намангандаги зўравонлик юзасидан Саида Мирзиёева муносабат билдирди

Президент администрацияси раҳбари Намангандаги 5 ёшли қиз билан боғлиқ жиноят юзасидан қонунчиликни кучайтириш таклифи тайёрланаётганини билдирди. Бепарволиги билан бу қабоҳатга йўл очган, норасида болани асрай олмаган барча масъуллар ҳам жазоланиши таъкидланди.