Илoн Маск: «Пул йўқолади, келажакда иқтисодиёт энергия билан ўлчанади»
Tesla раҳбари келажакда қиймат ваттларда ифодаланиши, пул эса энергия бирликлари билан алмашинишини ҳақидаги. Фикрларни илгари сурди.
Tesla компанияси акциядорлари йиғилишида сўзга чиққан Илoн Маск инсон цивилизацияси иқтисодиёти энергия асосида қайта шаклланиши мумкинлигини айтди. Унинг сўзларига кўра, пул шаклидаги анъанавий молиявий воситалар келажакда мавжуд бўлмаслиги мумкин ва уларнинг ўрнини энергия — аниқроғи, электр энергиясини ишлаб чиқариш ва истеъмол қилиш имкони билан боғлиқ ваттлар эгаллаши мумкин.
«Келажакда пул умуман бўлмаслиги мумкин. Қиймат қанча энергия ишлаб чиқаришингиз мумкинлиги орқали — ваттларда ўлчаниши эҳтимолдан ҳоли эмас», — деди Маск акциядорлар олдидаги чиқишида.
Бу ғоя Илон Маскнинг аввалроқ Дубайдаги Жаҳон ҳукумат саммитида билдирган фикрлари билан ҳамоҳанг. У ерда у сунъий интеллект, автоматизация, глобал бошқарув, транспорт ва таълим ислоҳотлари каби муҳим мавзуларни муҳокама қилган. Маск инсон ақлининг тақсимланиши, СИ таъсири, инфратузилма лойиҳалари ва глобал муносабатлар келажаги ҳақида ҳам мулоҳаза билдирган эди.
Tesla раҳбарига кўра, сунъий интеллект ва энергия генерацияси инсон цивилизациясидаги марказий ресурслардан бирига айланмоқда. Агар бу икки омил бўйича назорат ва тенглик таъминланса, дунё иқтисоди ҳам янги шакл — «энергетик иқтисодиёт» сари интилади.
Аввалроқ Илон Маск сунъий интеллект (СИ) ва робототехника шиддат билан ривожланиши натижасида яқин йилларда одамлар учун ишлаш зарурати деярли йўқолиши ҳақида гапирганини хабар берган эдик.
