Энг яхши микрокредит ва автокредит ставкаларини қайси банклар таклиф қилмоқда?
Марказий банк мамлакатдаги тижорат банклари таклиф қилаётган микроқарз ва автокредитларнинг янгиланган фоиз ставкаларини маълум қилди.
Марказий банк мамлакатдаги тижорат банклари томонидан аҳолига ажратилаётган микроқарз ва автокредитлар бўйича ўртача фоиз ставкаларини янгилади. 2026-йил 19-октябр ҳолатига аҳолига ажратилаётган микроқарзлар бўйича ўртача фоиз ставкаси 28,3 фоизни, автокредитлар бўйича эса 21,4 фоизни ташкил этди. Ўтган ҳафтага нисбатан микроқарзларнинг ўртача ставкаси 0,3 фоиз пунктга, автокредитларники эса 0,2 фоиз пунктга кўтарилган.
Микроқарз ставкалари
Микроқарзлар бўйича энг паст фоиз ставкаси «Mikrokreditbank»да қайд этилган — 21,8 фоиз. Кейинги ўринларда «Infinbank» — 24,0 фоиз, «Trastbank» ва «SQB» — 24,4 фоиз ҳамда «Asia Alliance bank» — 24,5 фоиз билан жойлашган.
Шунингдек, «Asaka bank»да микроқарз ставкаси 24,8 фоиз, «Milliy bank»да 24,9 фоиз, «Universal bank» ва «Xalq banki»да 25,2 фоиз, «Aloqabank»да 25,3 фоиз ҳамда «Agrobank»да 25,8 фоизни ташкил этмоқда.
«Ziraat bank» микроқарзларни 26,4 фоиз, «Kapital bank» 27,0 фоиз, «Poytaxt bank» 27,4 фоиз, «OFB» 28,3 фоиз ва «BRB» 29,3 фоиз ставкада таклиф қилмоқда.
Юқорироқ ставкалар «Garant bank»да 30,2 фоиз, «Hamkorbank»да 30,3 фоиз, «Apex bank»да 31,1 фоиз, «Ipoteka bank»да 33,1 фоиз, «Anor bank»да 34,3 фоиз, «Davr bank»да 35,0 фоиз ва «Tenge bank»да 35,2 фоиз билан қайд этилган. «Ipak yuli bank»да ставка 36,7 фоиз, «Uzum bank»да 38,0 фоиз, «AVO bank»да 39,9 фоиз ва «TBC bank»да 41,4 фоизни ташкил этмоқда.
Автокредит ставкалари
Автокредитлар бўйича энг паст ставка «Aloqabank»да — 18,3 фоиз. Кейинги ўринларда «Asaka bank» — 18,6 фоиз, «Ipoteka bank» — 18,8 фоиз ва «SQB» — 20,7 фоиз билан жойлашган.
«Milliy bank» автокредитларни 21,4 фоиз, «Ipak yuli bank» 21,5 фоиз, «Asia Alliance bank» 21,8 фоиз ва «Hamkorbank» 22,2 фоиз ставкада таклиф қилмоқда. «Turon bank»да ставка 22,2 фоиз, «TBC bank»да 22,3 фоизни ташкил этмоқда.
Бошқа банкларда автокредит ставкалари қуйидагича: «Poytaxt bank» — 22,4 фоиз, «OFB» — 22,5 фоиз, «Apex bank» — 23,2 фоиз, «Trastbank» — 23,3 фоиз, «Mikrokreditbank» — 23,9 фоиз ва «Agrobank» — 24,2 фоиз.
«Garant bank»да ставка 24,7 фоиз, «Davr bank»да 25,2 фоиз, «Anor bank»да эса 27,0 фоизни ташкил этмоқда. Тақдим этилган рўйхатда автокредитнинг энг юқори ставкаси «Anor bank»да қайд этилган.
Эслатиб ўтамиз, аввалроқ Ўзбекистонда аҳоли кредитлари қолдиғи 23,3 трлн сўмга ошганлиги ҳақида хабар берилган. Энг катта ўсиш ипотека ва микрокредитларда, энг юқори ўсиш суръати эса кредит карталари ва овердрафтларда қайд этилган.
