JCH-2026. Belgiya dramatik bahsda Senegalga 120+5-daqiqada gol urib, irodali g‘alabaga erishdi

Jahon chempionatida 1/16 final bosqichining eng qiziqarli o‘yini bo‘lib o‘tdi.

Belgiya va Senegal o‘rtasidagi bellashuvda afrikaliklar 86-daqiqagacha 2:0 hisobida oddinda borishayotgandi. Shundan so‘ng yevropaliklar 3 daqiqa ichida ikki gol bilan muvozanatni tiklashdi va o‘yinni qo‘shimcha bo‘limlarga olib o‘tishdi.

Bahs seriyaga qarab ketayotgan bir paytda esa hakam VAR aralashuvi orqali Senegal darvozasiga penalti belgiladi va Tilemans 120+5-daqiqada nuqtadan adashmay, Belgiyani superkambek orqali nimchorakfinalga olib chiqdi.

Rudi Garsiya jamoasi keyingi bosqichda AQSH — Bosniya va Hersegovina juftligi g‘olibiga qarshi o‘ynaydi.

JCH-2026. 1/16 final
Belgiya — Senegal 3:2
1-iyul, Sietl.
Gollar: Lukaku (86), Tilemans (89, 120+5 penalti) — Diarra (25), I.Sarr (51).
Belgiya — Kurtua, Kastan, Mexele, Teate, de Kuyper (Myone, 78), Tilemans, Vanaken (Moreyra, 63), Trossar (Onana, 109), de Bryuyne (Raskin, 56), Doku (Lukebakio, 56), de Ketelare (Lukaku, 46).
Senegal — Diav, Diatta, Siss, Niakate, Yakobs (Diuf, 93), Diarra (P.Sarr, 73), I.Guye (S.Ndiaye, 96), P. Guye (Kamara, 66), Ndiaye (Mbaye, 73), Mane (Jekson, 93), I.Sarr.
Ogohlantirishlar: Mexele (64), Kamara (67).