Ўзбекистон Москвадаги «Meet Global MICE Congress 2026» конгрессида MICE соҳасидаги ишбилармонлик алоқаларини кенгайтириши мумкин
Иқтисодий блокда рентабелликни бошқариш, пул оқимидаги узилишларнинг олдини олиш ва ностандарт даромад манбаларини излаш масалалари кўриб чиқилади. Бизнес-моделнинг эволюциясига, яъни «одам-соат» сотишдан буюртмачига ўлчанадиган қиймат тақдим этишга ўтишга алоҳида эътибор қаратилади.
Москва «Meet Global MICE Congress» конгрессининг ўтган йилги рекордини такрорлашга тайёрланмоқда. 2025-йилда конгрессда дунёнинг 37 мамлакатидан 2500 дан ортиқ мутахассис иштирок этган. 2026-йилнинг 16–17-декабр кунлари Москва Халқаро савдо марказининг конгресс-марказида MGMC тўртинчи марта халқаро MICE-индустриясининг асосий иштирокчиларини юқори даражадаги мулоқот учун бирлаштиради.
Улар орасида ишбилармонлик тадбирлари ташкилотчилари, MICE хизматларини етказиб берувчилар, корпоратив буюртмачилар, давлат туризм идоралари вакиллари, соҳа ассоциациялари ҳамда БРИКС ва Глобал Жануб мамлакатларининг етакчи экспертлари бор
Ўзбекистонлик делегатлар учун «MGMC 2026» ривожланаётган халқаро бозорларда янги ҳамкорлар топиш, ишбилармонлик алоқаларини ўрнатиш, бизнесни мустаҳкамлаш ва ўз MICE салоҳиятини намойиш этишнинг самарали канали ҳисобланади. 2025-йилда етакчи MICE-дестинацияларни тақдим этган 130 дан ортиқ экспонент орасида ўзбекистонлик «Sanat Travel Experts DMC», «Inter MICE Asia» ва «Silk Road Samarkand» компаниялари ҳам бор эди.
Экспозицияда мамлакатнинг замонавий MICE инфратузилмаси салоҳияти, логистик қулайлиги ва юқори даражадаги хизмат кўрсатиш намойиш этилди. Бу йил ҳам конгресс майдонида кенг кўламли экспозона ташкил этилади. Унда ўзбекистонлик MICE операторлари, меҳмонхона брендлари, соҳа ассоциациялари, транспорт компаниялари ҳамда барча профессионал ва қизиқувчи аудитория ўз имкониятларини тақдим этиши учун шароит яратилади.
Конгресс жадвалида «Hosted Buyers» дастури алоҳида эътиборга лойиқ. Бу йил унда МДҲ, Хитой, Ҳиндистон, Жануби-Шарқий Осиё, Яқин Шарқ, Лотин Америкаси ва Африка мамлакатларидан 200 дан ортиқ профессионал харидор иштирок этади.
«Hosted Buyers» дастурида қатнашиш ўзбекистонлик иштирокчиларга етакчи MICE хизматларини етказиб берувчилар билан алоқа ўрнатиш ҳамда Москванинг жаҳон даражасидаги етакчи MICE-дестинациялардан бири сифатидаги салоҳиятини баҳолаш имконини беради. Конгресс иштирокчиларининг қарийб 70 фоизини юқори бўғин раҳбарлари ва қарор қабул қилувчи шахслар ташкил этишини ҳисобга олсак, музокараларнинг бу формати шартномалар тузиш ва битимларни тезкор расмийлаштириш учун катта имкониятларга эга. Ўтган йили MGMC майдонида жами 8000 дан ортиқ B2B-учрашув бўлиб ўтган.
«MGMC 2026» амалиётга йўналтирилган ишбилармонлик дастурини тақдим этади. Унда асосий урғу реал бизнес-кейслар ва интерактив форматларга қаратилади. Дастур марказида MICE-индустрияси иштирокчилари учун амалий воситалар туради: стратегияни шакллантиришдан тортиб, ғояни аниқ молиявий натижага айлантирадиган амалий ечимларгача.
Делегатлар янги бозорларга чиқиш, инвестицияларни жалб қилиш, бизнесни қўллаб-қувватлаш чоралари ва рақамли трансформация, жумладан, сунъий интеллектни жорий этиш масалаларини муҳокама қилади. Алоҳида сессиялар ҳудудларнинг маданий кодига таянган ҳолда кучли дестинация брендларини яратишга, шунингдек, БРИКС ва Глобал Жануб бозорларида ишлаш хусусиятларига бағишланади.
Иқтисодий блокда рентабелликни бошқариш, пул оқимидаги узилишларнинг олдини олиш ва ностандарт даромад манбаларини излаш масалалари кўриб чиқилади. Бизнес-моделнинг эволюциясига, яъни «одам-соат» сотишдан буюртмачига ўлчанадиган қиймат тақдим этишга ўтишга алоҳида эътибор қаратилади. Юқори ўсиш суръатларини сақлаб қолган ва бизнесини муваффақиятли кенгайтирган бозор етакчилари ўз тажрибаси билан ўртоқлашади.
«Ўзбекистонлик мутахассислар учун MGMC — бу ишбилармонлик алоқалари географиясини кенгайтириш, ўз малакасини намойиш этиш, жаҳон MICE-индустрияси қандай ривожланаётганини кўриш ва Москва билан замонавий MICE-дестинация сифатида танишиш имкониятидир. Биз учун эса ўзбекистонлик ҳамкасбларнинг иштироки нафақат Москва тажрибаси билан ўртоқлашиш, балки илғор тажрибаларни ўрганиш, биргаликда янги ҳамкорлик нуқталарини излаш ва профессионал мулоқотни ривожлантириш имкониятидир», — деб ҳисоблайди «Москва туризм ва меҳмондўстликни ривожлантириш бўйича лойиҳа офиси» автоном нотижорат ташкилоти (Мостуризм) бош директорининг ишбилармонлик туризмини ривожлантириш бўйича биринчи ўринбосари Анастасия Попова.
MGMC ҳар йили трендларни муҳокама қилиш ва ҳамкорлик алоқаларини ўрнатиш учун профессионал платформа сифатидаги даражасини ошириб, халқаро MICE-индустрияси учун соҳавий тадбирларнинг янги мезонини белгилаб бермоқда.
«MGMC 2026» ҳақида батафсил маълумот ва рўйхатдан ўтиш имконияти тадбирнинг расмий сайтида мавжуд.
