Ўзбекистон Президенти Халқаро валюта жамғармаси билан ҳамкорликни кенгайтиришга чақирди

Bugun 08:001 daqiqa

Президент Шавкат Мирзиёев Халқаро валюта жамғармаси вакили Бо Ли билан учрашувда макроиқтисодий ислоҳотлар, эркин валюта курси ва рақамли тўловлар тизимини ривожлантириш бўйича ҳамкорликни кенгайтириш масалаларини муҳокама қилди.

Ўзбекистон Президенти Халқаро валюта жамғармаси билан ҳамкорликни кенгайтиришга чақирди

Ўзбекистон Республикаси Президенти Шавкат Мирзиёев 29 июн куни Халқаро валюта жамғармаси «Швейцария гуруҳи»нинг навбатдаги йиғилишида иштирок этиш учун мамлакатга келган жамғарма бошқарувчи директорининг ўринбосари Бо Лини қабул қилди. Бу ҳақда президент матбуот хизмати хабар берди.

Учрашувда глобал молия бозорларидаги вазият ва унинг ривожланиш истиқболлари муҳокама қилинган.

Суҳбат аввалида Бо Ли давлат раҳбарига Халқаро валюта жамғармаси бошқарувчи директори Кристалина Георгиеванинг самимий саломи ва эзгу тилакларини етказган.

Томонлар ўтган йил сентябр ойида Ню-Йорк шаҳрида президент Шавкат Мирзиёев ва Халқаро валюта жамғармаси раҳбарияти ўртасида эришилган келишувлар доирасида янада мустаҳкамлашнинг асосий жиҳатлари кўриб чиқилган.

Ислоҳотлар устуворлиги

Учрашувда Халқаро валюта жамғармаси мамлакатда амалга оширилаётган иқтисодий ислоҳотларни қўллаб-қувватлашда муҳим ҳамкор сифатида қайд этилган.

Шунингдек, макроиқтисодий сиёсат стратегияси ва рақамли тўловлар тизимини ривожлантириш, капитал ҳаракатини либераллаштириш, миллий статистика методологияси ва давлат даромадларини бошқаришни такомиллаштириш ҳамда эркин валюта айирбошлаш курсини қўллаб-қувватлаш масалаларида экспертлик ва техник кўмакни янада кенгайтириш зарурлиги таъкидланган.

Музокараларда иқтисодий бошқарув тизими учун малакали кадрлар тайёрлаш масаласига хам алоҳида эътибор қаратилган.

Teglar

ХВЖ иқтисодиёт ислоҳот Мирзиёев Бо Ли Георгиева

Mavzuga oid

Kecha 18:55

Энди телефонни UzIMEI'да 2 дақиқада рўйхатдан ўтказиш мумкин

Ўзбекистонга олиб кирилаётган телефонларни декларациялаш ва UzIMEI'да рўйхатдан ўтказиш тартиби соддалаштирилди. Энди барча жараён бир вақтнинг ўзида амалга оширилади.

Kecha 17:55

600 долларлик хизмат учун 13 минг доллар талаб қилган товламачилар судланди

Тошкентдаги «Фарҳод» автомобил эҳтиёт қисмлари бозорида мижозларни қўрқитиб, рухсатисиз автомобилларга эҳтиёт қисмлар ўрнатиш ва катта миқдорда пул талаб қилишда айбланган 14 нафар шахсга суд ҳукми ўқилди. Суд 14 нафар судланувчининг барчасини айбдор деб топди.

Kecha 22:40

Аукционга чиқарилган университет бинолари, хавфсиз ҳудудларга кўчириладиган «заправкалар» ва янги тартибда тўланадиган касаллик пули — 29 июн дайжести

Кун давомида Ўзбекистонда юз берган воқеалар ва ҳодисалар, ёритилган янгиликлар ва хабарларнинг энг муҳимларини яна бир бор эсга оламиз.

Kecha 18:36

Профилактика инспекторлари ортиқча вазифалардан халос этилиб, мақоми қонун билан белгиланади

Йўл ҳаракати хавфсизлигини таъминлашдаги айрим ваколатлар патрул-пост ва қўриқлаш хизматларига, жамоат тартибини сақлашдаги баъзи ваколатлар эса йўл-патрул хизматига ўтказилади.

Kecha 17:46

Шавкат Мирзиёев бир гуруҳ ёшларни мукофотлади

30 июн — Ёшлар куни муносабати билан Президент мамлакатнинг фаол ва ташаббускор ёшларини мукофотлаш тўғрисидаги фармонни имзолади.

Kecha 21:57

Тошкентликлар Президентга нимадан энг кўп шикоят қилмоқда?

Президент қабулхоналарига Тошкентдан келган такрорий мурожаатлар сони кескин ошган. Таҳлил аҳолини энг кўп қийнаётган муаммолар ва идоралардаги камчиликларни очиқлади.