Toshkentda noqonuniy diniy ta’lim berayotganlar qo‘lga tushdi

Davlat xavfsizlik xizmati hamda Ichki ishlar vazirligi xodimlari hamkorligida o‘tkazilgan tezkor tadbirlar davomida, ishsiz fuqarolar tomonidan tashkil etilgan noqonuniy diniy ta’lim o‘choqlari aniqlandi. Ma’lum bo‘lishicha, 21 yoshli fuqaro Zangiota tumanidagi o‘z xonadonida 31 nafar bolaga, 43 yoshli boshqa bir shaxs esa Toshkent tumanidagi xonadonlardan birida 12 nafar voyaga yetmaganga diniy dars o‘tgan. Har ikki holatda diniy ta’lim berish uchun hech qanday rasmiy ruhsat va litsenziyalar mavjud bo‘lmagan. Huquqni muhofaza qiluvchi organlar tomonidan mazkur fuqarolarning noqonuniy faoliyati to‘xtatildi. Shunga qo‘shimcha, bolalarni nazoratsiz qoldirgan va ta’limga yo‘l qo‘ygan ota-onalarga nisbatan ham qonunbuzarlik belgilari asosida choralar ko‘rilgan. Mazkur holatlar bo‘yicha qonunlarda belgilangan tartibda jazo tayinlangani, hozirda tergovga qadar tekshiruv ishlari davom etayotgani ma’lum qilindi.