Аграр соҳада тўловлар агентлиги ташкил этилди

Бугун 14:301221 Дақиқа

Агентлик қишлоқ хўжалигида давлат кўмаги жараёнларини рақамлаштириб, тўловлар ва ариза қабул қилиш тартибини сезиларли соддалаштириштиради.

Аграр соҳада тўловлар агентлиги ташкил этилди

Президентнинг «Аграр соҳани давлат томонидан қўллаб-қувватлаш тизимини тубдан такомиллаштириш чора-тадбирлари тўғрисида»ги ПФ-224-сонли фармони қабул қилинди.

Ҳужжатга кўра, Қишлоқ хўжалиги вазирлиги ҳузурида Аграр соҳада тўловлар агентлиги ташкил этилади.

Фармоннинг асосий мақсадлари сифатида аграр тармоқда молиявий қўллаб-қувватлаш тизимини тўлиқ рақамлаштириш, меҳнат ва вақт сарфини икки бараварга қисқартириш вазифаси қўйилди.

Шу билан бирга, қишлоқ хўжалиги ва озиқ-овқат соҳаларида давлат томонидан кўрсатиладиган турли қўллаб-қувватлаш механизмларини бирлаштириш орқали уларнинг умумий сонини 2028 йил охирига қадар 50 фоизгача қисқартириш режалаштирилган.

Янги Агентлик қўллаб-қувватлаш чораларининг янги турларини ишлаб чиқиш, аризаларни қабул қилишдан тортиб, уларни кўриб чиқиш ва тўловларни амалга оширишгача бўлган босқичларни тўлиқ рақамлаштириш билан шуғулланади.

Фармонга кўра, 2026 йил 1 январдан бошлаб қўллаб-қувватлаш чоралари тўлиқ Агентлик орқали амалга оширилади. Тадбиркорларга молиялаштириш махсус ҳисоб рақамлари — 23210 тоифасида очиладиган ҳисоблар орқали йўналтирилади.

Аграр соҳада тўловлар агентлигининг ташкил этилиши соҳадаги маъмурий жараёнларни соддалаштириш, давлат кўмаги механизмларини шаффофлаштириш ва ресурсларни оқилона йўналтиришга хизмат қилиши кутилмоқда.

Эслатиб ўтамиз, аввалроқ Мирзиёев пахтачиликни ривожлантирадиган янги таклифларни маъқуллагани ҳақида хабар берган эдик.

Теглар

Президент фармони Қишлоқ хўжалиги рақамлаштириш Аграр тўловлар агентлиги давлат қўллаб-қувватлаши

Мавзуга оид

Кеча 18:35

Шавкат Мирзиёев Хитой ташқи ишлар вазири билан учрашди

Учрашувда «Хитой – Қирғизистон – Ўзбекистон» темир йўлини қуриш лойиҳасини амалга ошириш ва уни бошқа транспорт йўлаклари билан боғлаш муҳимлиги таъкидланди.

15.11.2025 | 16:31

Қирғизистон Президенти ҳам Тошкентга етиб келди

Шавкат Мирзиёев Марказий Осиё давлатлари раҳбарларининг еттинчи Маслаҳат учрашувида иштирок этиш учун мамлакатимизга келган Қирғиз Республикаси Президенти Садир Жапаров билан учрашди.

18.11.2025 | 13:55

Катта миқдорда солиқ қарзи бўлган қурилиш корхоналари маълум қилинди

Солиқ қўмитаси 1 200 дан ортиқ қурилиш корхонасининг катта миқдордаги солиқ қарздорлиги борлиги ҳақида маълумот берди.

18.11.2025 | 19:35

Ўзбекистон ва ОТБ 100 млн долларлик STEM лойиҳасини имзолади

Бош вазир ўринбосари ва ОТБ президенти ўртасидаги учрашувда Ўзбекистонда STEM таълимини ривожлантириш бўйича лойиҳа имзоланди.

Кеча 21:25

Ўзбекистон пахтаси халқаро текширувдан ўтади: BCI билан келишув тасдиқланди

Ўзбекистон Better Cotton Initiative билан келишув имзолади. Унга кўра, мамлакатда пахта етиштириш, қайта ишлаш ва экспорт занжири халқаро стандартлар асосида баҳоланиб, сертификатлаштирилади.

17.11.2025 | 12:45