Aloqa Ventures 6 баравар даромад билан Zypl.aiʼдан қисман чиқди
AloqaVentures 2022 йилнинг иккинчи чорагида Zypl.ai лойиҳасига 150 минг доллар сармоя киритган эди. Бугун эса фонд ўз улушининг ярмини 6 баравар фойда билан сотди.
Душанбеда ўтган AI Beyond Heights халқаро сунъий интеллект конференцияси вақтида AloqaVentures ва Zypl.ai вакиллари фонднинг стартапдан қисман чиқаётганини (exit) эълон қилишди. Бу Ўзбекистон венчур бозори учун сўнгги йиллардаги энг эътиборга молик воқеалардан бири бўлди.
AloqaVentures 2022 йилнинг иккинчи чорагида Zypl.ai лойиҳасига 150 минг доллар сармоя киритган эди. Бугун эса фонд ўз улушининг ярмини 6 баравар фойда билан сотмоқда, яъни бу йилига 73 фоиз ички даромад нормаси (IRR) дегани. Бошқача айтганда, фонд уч йил ичида сармоясидан олти баробар кўп қиймат яратишга муваффақ бўлди.
Zypl.ai — сунъий интеллект асосида бизнес жараёнларини автоматлаштирувчи технологик платформа бўлиб, AloqaVentures ушбу стартапнинг илк инвесторларидан бири. Шу билан бирга, Zypl.ai фонд портфелидаги биринчи стартап ҳам ҳисобланади.
Бу муваффақият AloqaVentures учун нафақат молиявий ютуқ, балки Ўзбекистон венчур экотизимида эхит босқичи амалда йўлга қўйилганининг исботи сифатида эътироф этилмоқда. Ушбу ҳолат маҳаллий стартапларга сармоя киритиш реал даромад келтириши мумкинлигини амалда кўрсатди.
