АҚШдан 72 нафар ўзбекистонлик депортация қилинди

Кеча 17:401 дақиқа

Қонуний асосларсиз АҚШда бўлган фуқароларни қайтариш жараёни доирасида навбатдаги депортация рейси амалга оширилди.

АҚШдан 72 нафар ўзбекистонлик депортация қилинди

АҚШ 11 март куни Ўзбекистонга навбатдаги депортация рейсини амалга ошириб, 72 нафар Ўзбекистон фуқаросини мамлакатдан чиқарди. Бу ҳақда АҚШнинг Ўзбекистондаги элчихонаси маълум қилди.

Маълум қилинишича, мазкур рейс АҚШнинг давлат чегаралари хавфсизлигини таъминлаш ва ноқонуний миграцияга қарши кураш чоралари доирасида ташкил этилган. Депортация қилинган шахслар АҚШ ҳудудида қолиш учун қонуний рухсатга эга бўлмаган фуқаролар ҳисобланади.

Элчихона баёнотига кўра, АҚШ ҳудудига ноқонуний кирган ёки мамлакатда қонуний мақомсиз қолган шахсларга нисбатан қонунчиликка мувофиқ чоралар кўрилади. Бундай ҳолатларда улар қўлга олиниб, депортация қилиниши мумкин.

Жами депорт қилинганлар сони

Қайд этилишича, президент Доналд Трамп лавозимга киришганидан буён АҚШда ноқонуний миграцияга қарши сиёсат кучайтирилган. Шу давр мобайнида мамлакатдан 1000 нафардан ортиқ Ўзбекистон фуқароси депортация қилинган.

«АҚШ ҳудудига ноқонуний кирган шахслар қамоқ жазосига тортилади ва мамлакатдан чиқариб юборилади. Қўшма Штатлар АҚШнинг депортация тадбирларини ўтказишда яқиндан ҳамкорлик қилаётгани учун Ўзбекистон ҳукуматига ўзининг чуқур миннатдорлигини билдиради», дейилади элчихона хабарида.

Аввалроқ, 2026 йил 21 январ куни ҳам АҚШда ноқонуний бўлиб турган 44 нафар Ўзбекистон фуқароси депортация қилинган эди. Ўшанда АҚШдан репатриация қилинган ўзбекистонликлар сони қарийб 700 нафарга етгани маълум қилинган.

Теглар

Дональд Трамп депортация миграция Ўзбекистон АҚШ

Мавзуга оид

10.03.2026 | 23:40

1,8 млрд сўмлик кўприк, метан «заправка»ларга яна чеклов ва Беларуснинг АЭС қурилишидаги ёрдам таклифи — 10-март дайжести

Кун давомида Ўзбекистонда юз берган воқеалар ва ҳодисалар, ёритилган янгиликлар ва хабарларнинг энг муҳимларини яна бир бор эсга оламиз.

Кеча 18:00

Ўзбекистоннинг IT-визаси: энди у олимлар ва стартапчиларга ҳам берилиши мумкин

Ўзбекистон Адлия вазирлиги ахборот технологиялари соҳасидаги хорижий инвесторлар, мутахассислар ва ўқитувчиларга IT-виза бериш тартибини такомиллаштирувчи янги қоидаларни тасдиқлади. Янги таҳрирдаги ҳужжат даъвогарлар доирасини кенгайтириш билан бирга, инвесторлар учун аниқ молиявий талабларни белгилаб берди.

10.03.2026 | 21:23

Ўзбекистонда дронлар ёрдамида экин майдонлар мониторинг қилинади

«Тошкент ирригация ва қишлоқ хўжалигини механизациялаш муҳандислари институти» қошида дронларни бошқариш курслари, космик тадқиқотлар ва сунъий йўлдошлар лабораторияси ташкил этилади.

Кеча 11:55

Мартда ёғган қор: мевали дарахтларни совуқ урдими?

Ўзбекистонга кириб келган совуқ ҳаво ва ёғган қор дарахтлар куртак чиқариш ва гуллашни бошлаган паллада қишлоқ хўжалигига катта зарар етказиши мумкин.

Кеча 20:46

Лойиҳалар ва импорт шартномаларини комплекс экспертиза қилиш маркази янги агентликка ўтказилди

2023- йилнинг июл ойида мазкур марказ Иқтисодиёт ва молия вазирлигидан Инвестициялар, саноат ва савдо вазирлигига ўтказилганди, шу йилнинг октабр ойида эса яна Иқтисодиёт ва молия вазирлигига қайтарилганди.