Бугун тўрт вилоятда қор ва ёмғир ёғиши кутилмоқда
Ўзгидромет 22 декабр учун об-ҳаво маълумотларини эълон қилди.
Бугун кундузи Бухоро, Навоий, Сурхондарё вилоятларида ва кечга томон Сирдарё вилоятида баъзи жойларда ёғингарчилик (ёмғир, қор) бўлади, дея хабар бермоқда Ўзгидромет.
Маълумотларга кўра, республиканинг қолган ҳудудларида ёғингарчилик кутилмайди. Йўлларда баъзи жойларда яхмалак кузатилади. Баъзи жойларга туман тушиши мумкин. Шамол секундига 7-12 метр тезликда эсади. Ҳарорат 0...+5 даража илиқ бўлади.
Тошкент шаҳрида ёғингарчилик кутилмайди. Йўлларда баъзи жойларда яхмалак кузатилади. Шамол секундига 3-8 метр тезликда эсади. Ҳарорат +2...+4 даража илиқ бўлади.
Тоғ олди ва тоғли ҳудудларда баъзи жойларда қор ёғади, туман тушади. Қор кўчиши хавфи бор. Йўлларда баъзи жойларда яхмалак кузатилади. Шамол секундига 7-12 метр тезликда эсади. Ҳарорат 0...-5 даража совуқ бўлади.
