ChatGPT мамлакатда энг кўп юклаб олинган илова сифатида етакчиликни сақлаб қолди
Ноябрда Ўзбекистонда энг кўп юкланган иловалар рейтингида ChatGPT биринчи ўринни сақлаб қолди ва бозорда миллий сервислар улуши ва финтех платформаларининг аҳамияти сезиларли ошди.
Ўзбекистонда 2025 йил ноябр ойи бўйича мобил иловалар юкланишлари рейтинги маълум қилинди. Data.ai’нинг iOS ва Android платформаларидаги кузатувларига кўра, ChatGPT мамлакатда энг кўп юклаб олинган илова сифатида кетма-кет иккинчи ой етакчиликни сақлади. Бу жараён октябрда қайд этилган натижанинг изчил давоми бўлди.
Муҳими шундаки, фойдаланувчилар нафақат иловани ўрнатмоқда, балки хизмат учун тўлов қилувчи обуначилар сони ҳам барқарор ўсмоқда. Ҳисоб-китобларга кўра, йил бошида 11–13 минг атрофида бўлган обуна тўловчилари сони ҳозирда 20–23 минг кишига етди. Бу эса маҳаллий аудиториянинг сунъий интеллект қийматига муносабати тобора кучайиб бораётганини кўрсатади.
Умумий рейтингда Instagram ва Uzum Market юқорига кўтарилди. Бу ўзгаришлар кутилган эди: Instagram асосий ижтимоий тармоқ сифатида оммалашган бўлса, Uzum Market мамлакатдаги энг машҳур миллий иловага айланмоқда. Аксинча, JanaTube ва imo пасайишни бошлади, бу ҳам таҳмин қилинган тенденция эди.
Marketpleysлар кенг омма фойдаланадиган кундалик платформаларга айланиб бормоқда.
Хизмат кўрсатиш соҳасида MyGov ва Soliq иловалари ҳам фаоллашувда: давлат хизматларининг рақамлашуви тобора доимий амалиётга айланмоқда.
Финтех сегментида эса рақобат янада кучайди. Октябрда умумий топ-10 таликда бешта шундай сервис бўлган бўлса, ноябрда улар сони олтига етди. Click, Uzum Bank, Xazna, Payme ва Alif қаторига Payme қўшилди. Шу билан бирга, Paynet куз фаслида олтин сотиш хизматини ва якка тартибдаги тадбиркорлар ҳамда ўзини ўзи банд қилганлар учун платформани ишга тушириб, бозорда фаоллигини оширди.
