Имомали Раҳмон Тошкентга келди

Бугун 13:281 дақиқа

Тожикистон президентини Ўзбекистон етакчиси Шавкат Мирзиёев кутиб олди.

Ўзбекистон президенти Шавкат Мирзиёевнинг таклифига биноан Тожикистон президенти Имомали Раҳмон бугун, 16-март куни давлат ташрифи билан Тошкентга келди. Бу ҳақда президент матбуот хизмати хабар берди.

Тожикистон етакчисини «Тошкент-Ҳумо» халқаро аэропортида Шавкат Мирзиёев кутиб олди. Олий мартабали меҳмон шарафига икки мамлакатнинг давлат байроқлари кўтарилди ва фахрий қоровул саф тортди.

Бугун икки томонлама музокаралар ва Олий давлатлараро кенгашнинг биринчи йиғилиши бўлиб ўтади.

Тожикистон президентига ҳукумат аъзолари, давлат муассасалари ва идоралари раҳбарлари ҳамда маданият ва санъат ходимларидан иборат катта расмий делегация ҳамроҳлик қилмоқда.

Имомали Раҳмон дастлаб ўзбек халқи тарихи ва маданиятига ҳурмат рамзи сифатида «Мустақиллик ва гуманизм» мемориалига гулчанбар қўйди. Гулчанбар қўйиш маросимида унга Ўзбекистон бош вазири Абдулла Арипов ҳамроҳлик қилди.

Имомали Раҳмоннинг ташрифи фонида Ўзбекистон президентининг тегишли фармони билан Тожикистон Республикаси Сўғд вилояти «Нури ниёгон» шашмақом ансамбли раҳбари Набиев Шуҳратжон Журабекович Ўзбекистон Республикасининг «Дўстлик» ордени билан мукофотланди.

Теглар

Шавкат Мирзиёев Тожикистон Имомали Раҳмон Ўзбекистон

Мавзуга оид

Кеча 18:15

Наманганда 150 млн долларлик туристик мажмуа қурилиши бошланди

Япония компанияси томонидан амалга оширилаётган йирик туризм лойиҳаси минтақанинг иқтисодий ва сайёҳлик салоҳиятини ошириши кутилмоқда.

Кеча 17:07

АҚШ визасини олиб бериш эвазига пора олган шахс ушланди

АҚШ визасини олиб бериш эвазига 75 минг доллар пора олган шахс қўлга олинди.

Кеча 17:55

Муддати ўтган дориларни қайта сотувга чиқармоқчи бўлганлар аниқланди

Яроқлилик муддати тугаган 55 840 дона «Меновазин», 25 000 дона «Водород пероксиди», 50 800 дона «Этил спирти» ҳамда дори воситаларини 2025-2026 йилларда ишлаб чиқарилган деган маълумотлар билан қайта қадоқлаб, сотувга чиқариш режалаштирилган.

Кеча 15:15

Тожикистон президенти Ўзбекистонга давлат ташрифи билан келади

Ташриф доирасида стратегик шерикликни кучайтириш ва янги қўшма лойиҳаларни ишга тушириш масалалари муҳокама қилинади.

Кеча 19:37

Ўзбекистонда 500 долларгача валютани паспортсиз сотиб олишга рухсат берилиши мумкин

Шунингдек, банк мижозларини идентификация қилишда нафақат паспортнинг асли, балки унинг электрон шакли ҳам тан олиниши мумкин.

Кеча 20:04

Тошкент халқаро молия маркази ташкил этилади

Марказ резидентлари учун капиталнинг эркин ҳаракати ва репатриацияси, эркин валюта операциялари, замонавий тўлов воситалари, жумладан, рақамли активлар билан ишлаш, имтиёзли солиқ режими, соддалаштирилган виза тартиби каби кенг имкониятлар яратилади.