Жиззахда газ портлаши оқибатида ёш келин-куёв ҳалок бўлди

30.10.2025 | 13:107561

Ғаллаорол туманидаги хонадонда содир бўлган газ портлаши икки инсоннинг ўлимига сабаб бўлди.

Жиззахда газ портлаши оқибатида ёш келин-куёв ҳалок бўлди

25 октабр куни Жиззах вилоятининг Ғаллаорол туманидаги Суғумбой қишлоғида маиший газ портлаши оқибатида икки киши ҳалок бўлди. Бу ҳақда Zamonuz нашри хабар берди.

Маълумотларга кўра, портлаш тахминан соат 6:50 атрофида содир бўлган. Ҳодиса жойида 2004 йилда туғилган эркак ва унинг 2006 йилда туғилган турмуш ўртоғи – ёш келин-куёв ҳалок бўлган. Улар портлаш бўлган хонадонда яшаб келган ва жасадлари вайрон бўлган уйдан топилган.

Дастлабки маълумотларга кўра, фожиага маиший газ сизиб чиқиши сабаб бўлган бўлиши мумкин. Ҳозирда аниқ сабаблар ва бошқа омиллар ўрганилмоқда.

Бош прокуратура матбуот хизматининг маълум қилишича, ҳодиса бўйича терговга қадар текширув ҳаракатлари бошланган. Ҳуқуқни муҳофаза қилувчи органлар воқеа тафсилотларини ўрганмоқда.

Ғаллаорол тумани ҳокимлиги қошида махсус комиссия ташкил этилган бўлиб, унинг таркибига ҳокимлик вакиллари, Фавқулодда вазиятлар бўлими ходимлари ҳамда тегишли муҳандислик хизматлари киритилган. Комиссия газ таъминоти тизимини ва хавфсизлик чораларини текширмоқда.

Эслатиб ўтамиз, аввалроқ Вақт.уз ҳудудлар кесимида ўтган йиллардаги ис гази билан боғлиқ фожиалар кўлами ва ўсиб бораётган рақамларни таҳлил қилган эди.

Теглар

Бош прокуратура фавқулодда ҳолат Жиззах газ портлаши Ғаллаорол

Мавзуга оид

Кеча 20:57

Украинадаги ёш йигитлар мамлакатни оммавий тарк этишмоқда

Бу тобора мураккаблашиб бораётган вазиятга жиддий хавф туғдириши мумкин.

02.11.2025 | 12:07

Аҳоли яшаш жойларига яқин «заправка»лар кўчирилади

Фуқаролар хавфсизлигини таъминлаш мақсадида талабларга жавоб бермайдиган ёнилғи қуйиш шохобчалари 2026 йил 1 апрелгача бошқа ҳудудларга кўчирилиши мумкин.

30.10.2025 | 08:18

«Korzinka» номи билан тарқатилаётган ютуқли ўйин фирибгарлик экани маълум қилинди

Ижтимоий тармоқларда «Korzinka» супермаркетлари номи билан қимматбаҳо совғалар, жумладан «Volkswagen Tiguan R-Line» автомашинаси ютуқ сифатида қўйилган ёлғон акциялар тарқалмоқда.

Бугун 13:06

Энди чиқинди хизматлари учун тўловлар фақат онлайн амалга оширилади

2026 йил 1 январдан чиқинди хизматлари учун тўловларни уйма-уй юриб ундириш тўхтатилади.

Бугун 07:58

«Кредитга тақиқ» хизматидан асосан эркаклар фойдаланишмоқда

Фуқароларига ўз номидан рухсатсиз кредит расмийлаштирилишининг олдини олишга қаратилган «кредитга тақиқ» хизматидан 4 ой ичида 150 мингга яқин киши фойдаланган.

30.10.2025 | 18:20

Риодаги полиция рейдида 130 дан ортиқ киши ҳалок бўлди

Бразилиянинг Рио-де-Жанейро шаҳрида «нарко-террористлар»га қарши ўтказилган полиция амалиёти фожиага айланди — қурбонлар сони 132 нафарга етди, улар орасида бегуноҳ фуқаролар ҳам борлиги айтилмоқда.