Кейинги йилдан 9-синф битирувчилари техникумларда бепул ўқийди

28.10.2025 | 18:003661

2030-йилгача 9-синф битирувчиларининг техникумлар билан қамрови 29 фоиздан 50 фоизга, дуал таълим улуши эса 9 фоиздан 40 фоизга етказилади. Шунингдек, дуал таълимни ташкил қилганларга 5 млрд сўмгача имтиёзли кредит берилади.

Кейинги йилдан 9-синф битирувчилари техникумларда бепул ўқийди

«Касбий таълим тизимида ислоҳотларни амалга ошириш чора-тадбирлари тўғрисида»ги Президент қарори (ПҚ–316-сон, 23.10.2025 й.) қабул қилинди.

Мазкур қарорга кўра, дуал таълимни ташкил этган иш берувчиларга 7 йил муддатга 5 миллиард сўмгача имтиёзли кредит берилади. Шу жумладан, дуал таълимда таҳсил олаётган ўқувчиларга ҳар ой базавий ҳисоблаш миқдорининг 1 баравари миқдорида стипендия тўланади ҳамда ушбу давр меҳнат стажига қўшилади.

Шу билан бирга, 2026 йилдан ишлаб чиқариш таълими усталарининг маоши биринчи малака тоифасига эга ўқитувчилар даражасига тенглаштирилади. Ҳар бир устага 20 нафар ўқувчидан ортиқ бўлмаслиги белгиланди. Техникум директорларига усталар учун ажратилган иш ҳақи фонди доирасида энг кам ойлик иш ҳақининг 15 бараваригача ойлик белгилаш ваколати берилади. Ҳар йили энг яхши 50 нафар уста ва ўқитувчи хорижда малака оширади.

Бундан ташқари, 2030 йилгача 9-синф битирувчиларининг техникумлар билан қамрови 29 фоиздан 50 фоизга, дуал таълим улуши эса 9 фоиздан 40 фоизга етказилади.

Теглар

таълим имтиёзли кредит Президент қарори

Мавзуга оид

01.11.2025 | 19:37

Тошкентда иссиқлик тизими 3 ноябрдан босқичма-босқич ишга туширилади

Шаҳар ҳокими қарорига кўра, ижтимоий объектларда иссиқлик таъминоти 3 ноябрдан, турар жой биноларида эса 5 ноябрдан бошлаб йўлга қўйилади. Бу ҳақда шаҳар ҳокимлиги маълум қилди.

31.10.2025 | 17:50

Кам таъминланган оилаларга қарийб 82 млрд сўм ҚҚС қайтарилди

Солиқ қўмитаси 2025 йил бошидан бери «Ижтимоий ҳимоя ягона реестри»га киритилган шахсларга қайтарилган ҚҚС миқдорини маълум қилди.

Кеча 20:38

АҚШ фуқаролари учун визасиз режим жорий этилди

АҚШ фуқаролари учун 30 кунлик визасиз режим 2026 йилдан бошлаб кучга киради.

31.10.2025 | 17:40

Кам таъминланган фуқароларга Конституциявий судда ҳам бепул адвокат берилади

Сенат моддий қийин аҳволдаги фуқароларга Конституциявий судда ҳам давлат ҳисобидан адвокат ёрдамини олиш имконини яратувчи қонунни қабул қилди.

31.10.2025 | 18:00

Сенат дала четларига экин экмаган фермерларга уч баробар солиқ жорий этишни назарда тутувчи қонунни маъқуллади

Дала четларига экин экмаган ёки канал атрофини бўш қолдирган фермерлар энди катта жарима ва оширилган солиқ тўлашга мажбур бўлади.

Бугун 08:18

Самарқанд ноябр ойида яна бир халқаро анжуманга мезбонлик қилади

БМТнинг Женевадаги бўлимида Ўзбекистон мезбонлик қиладиган CITES COP20 конференциясига тайёргарлик юзасидан брифинг ўтказилди. Самарқанддаги форум 2025 йилнинг энг йирик экологик тадбирларидан бири бўлиши кутилмоқда.