Комил Алламжонов АҚШ Миллий хавфсизлик кенгашининг катта директори билан учрашди

Бугун 21:221 дақиқа

Учрашувда Марко Рубионинг Ўзбекистонга ташрифи, «C5+1» учрашуви ва Самарқандда ўтказиладиган G20 саммити кун тартиби муҳокама қилинди.

Комил Алламжонов АҚШ Миллий хавфсизлик кенгашининг катта директори билан учрашди

Президент Администрацияси раҳбарининг маслаҳатчиси, Ўзбекистоннинг АҚШдаги вакили Комил Алламжонов АҚШ Президентининг махсус ёрдамчиси, Миллий хавфсизлик кенгашининг Жанубий ва Марказий Осиё бўйича катта директори Майкл Жереми билан учрашди. Бу ҳақда Комил Алламжонов ижтимоий тармоқдаги саҳифасида маълум қилди.

Унинг ёзишича, учрашувда қатор муҳим тадбирларни ташкил этиш билан боғлиқ масалалар муҳокама қилинган. Шунингдек, АҚШ Давлат котиби Марко Рубионинг Ўзбекистонга режалаштирилган ташрифи, Самарқандда бўлиб ўтадиган «C5+1» учрашуви ва Майамида ўтказиладиган G20 саммити кун тартиби юзасидан фикр алмашилган.

Эслатиб ўтамиз, АҚШ Давлат котиби Марко Рубио октябрь ойида Самарқандда Марказий Осиё давлатлари ташқи ишлар вазирлари иштирокидаги «C5+1» учрашувида қатнашиши кутилмоқда. Ташриф доирасида савдо-иқтисодий ҳамкорлик, инвестицияларни жалб қилиш ва энергетика хавфсизлиги масалалари ҳам муҳокама қилиниши режалаштирилган.

Теглар

Марко Рубио Комил Алламжонов АҚШ иллий хавфсизлик

Мавзуга оид

Бугун 18:13

«Режадан ортиғини оиламга олиб боришим керак деб ҳайдовчилар пойга ўйнашарди» — Транспорт вазирлиги нақд тўлов бекор қилиниши сабабини тушунтирди

Транспорт вазирининг биринчи ўринбосари Vaqt.uz’га маълум қилишича, Тошкентда нақд тўлов тизими бекор қилиниб, ҳайдовчилар учун кунлик режа амалиёти тугатилган. Шунингдек, йўловчилар тўловлари ҳисобидан қопланадиган транспорт харажатлари улуши 30–32 фоиздан 40 фоиздан ошган.

Бугун 15:05

«Ўзбекнефтгаз» заводларни модернизация қилиш учун банклардан 580 млн доллар олмоқчи

Компания бунинг учун банкларга 4 та лойиҳани тақдим қилган. Улардан бири Бухоро нефтни қайта ишлаш заводини модернизация қилиш орқали Евро-5 экологик стандарти талабларига жавоб берадиган, юқори октанли бензин ишлаб чиқариш режалаштирилган. Лойиҳалар умумий қийматининг 85 фоизигача бўлган қисмини банк кредитлари орқали молиялаштириш режалаштирилмоқда.

Бугун 16:12

«Solfy» компанияси раҳбари Ўзбекистон сўрови билан Москвада ушланди

Бу воқеа йирик инвестиция можароси фонида юз берди. Айни пайтда «Sabzi» номи билан иш юритаётган «Solfy» компаниясининг Ўзбекистон Миллий банки билан ҳамкорлиги кейинчалик бир қатор суд низоларига айланиб кетган.

Бугун 19:19

Уч йил кутилган хонадонлар

Яшнобод туманидаги «Triumph» тураржой мажмуасидан хонадон сотиб олган фуқаролар қурилишнинг секинлигидан, топшириш муддатларининг қайта-қайта сурилаётганидан ва аниқ жавоб ололмаётганидан норози. 28-мартдаги репортажимиздан кейин қурилиш бир муддат жонланган, бироқ харидорларнинг айтишича, ишлар яна секинлашган. Айрим оилалар ҳануз ижарада яшамоқда, бошқалари эса ҳали тўлиқ тайёр бўлмаган хонадонларига кўчиб киришга мажбур бўлган.

Бугун 16:40

Талабаларнинг контракт пулини тўлаш муддати узайтирилди

Белгиланган муддатга қадар базавий тўлов-контракт бўйича йиллик қийматнинг камида 25 фоизи, табақалаштирилган тўлов-контракт бўйича эса камида 50 фоизи тўланиши керак.

Бугун 16:02