Кредит ставкалари янгиланди: қайси банк арзон?
Марказий банк 2026 йил 13 апрел ҳолатига кўра, тижорат банклари томонидан аҳолига ажратилган микроқарз ва автокредитлар бўйича ўртача фоиз ставкаларини эълон қилди.
Марказий банк 2026 йил 13 апрел ҳолатига кўра тижорат банклари томонидан аҳолига ажратилаётган микрокредит ва автокредитлар бўйича янги ҳафта фоиз ставкаларини эълон қилди. Унга кўра, микрокредитлар бўйича ўртача ставка 29,1 фоизни, автокредитлар бўйича эса 22,7 фоизни ташкил этган.
Янги ҳафтада микрокредит ва автокредит ставкалари юқори даражада сақланиб қолмоқда ва айрим сегментларда ўсиш тенденцияси кузатилмоқда. Ўтган ҳафта микрокредитлар 29,5 фоизни, автокредитлар бўйича эса 22,7 фоизни ташкил этган эди.
Микрокредитлар
Микрокредитлар сегментида энг паст ставка 23,6 фоиз билан «Aloqabank»да қайд этилди. Ундан кейин «Миллий банк» 24,0 фоиз ва «Infinbank» 24,3 фоиз билан нисбатан мақбул таклифлар бермоқда. Шунингдек, «Trastbank» ҳам 24,7 фоиз ставка билан шу гуруҳда қолмоқда.
Ўрта сегментда ставкалар асосан 25–27 фоиз оралиғида шаклланган. Жумладан, «BRB» 25,1 фоиз, «OFB» ва «Kapitalbank» 25,8 фоиз, «Askabank» ва «Ziraat bank» 26,3 фоиз ҳамда «Mikrokreditbank» 26,5 фоиз ставкада кредит ажратмоқда. «Агробанк» ва «Turonbank»да ҳам бу кўрсаткич 26,8 фоиз атрофида, «Xalq banki» ва «SQB»да эса 27 фоиздан юқори даражада шаклланган.
Юқори сегментда эса фарқ анча катта. «TBC bank»да 34,4 фоиз, «Ipak Yuli banki»да 35,0 фоиз, «AVO bank»да 39,9 фоиз, «Anorbank»да 41,9 фоиз ва «Tengebank»да 42,7 фоизлик ставкалар қайд этилди. Бу сегментда юқори фоизлар сақланиб қолмоқда.
Автокредитлар
Автокредитлар бозорида энг паст ставка 16,4 фоиз билан «BRB»да кузатилди. Шунингдек, «Infinbank» 16,6 фоиз, «Ipoteka bank» 17,0 фоиз ва «Davr bank» 18,1 фоиз ставка билан нисбатан арзон кредит таклиф қилмоқда.
Ўрта сегментда ставкалар 23–24 фоиз оралиғида шаклланган. Хусусан, «Агробанк» 23,5 фоиз, «Ипак йўли банк» 23,6 фоиз, «Халқ банки» 23,8 фоиз ва «Asia Alliance bank» 24,1 фоиз ставка билан кредит ажратмоқда. «Asakabank» ва «Mikrokreditbank»да бу кўрсаткич 24,6–24,9 фоиз атрофида.
Юқори сегментда эса ставкалар 25 фоиздан юқори. «Turonbank» 25,0 фоиз, «Trastbank» 25,6 фоиз, «Ziraat bank» 27,0 фоиз ва «Madad Invest bank» 27,9 фоиз ставка билан автокредит тақдим этмоқда.
