Кумушнинг ҳам нархи ошмоқда: бир йилда икки баравар ўсиш қайд этилди
Кумуш нархи тарихда илк бор унцияси учун 58 доллар даражасини босиб ўтди. Металл бир йилда икки баравар қимматлаб, S&P 500 кўрсаткичларини бир неча марта ортда қолдирди.
Жаҳон қимматбаҳо металллар бозорида кескин ҳаракат кузатилмоқда: кумуш унцияси учун 58 долларлик маррани ортда қолдириб, янги тарихий рекорд ўрнатди. 2025 йил бошидан буён металл нархи аниқ 100 фоизга кўтарилди. Бундай ўсиш суръати ҳатто АҚШ фонд бозорининг асосий индекси — S&P 500 қайд этган даромаддан олти баравар юқори бўлди.
Инвесторлар фаол равишда қоғоз активлардан воз кечиб, реал қимматга эга бўлган жисмоний металларга йўналмоқда. Таҳлилчилар бу жараённи бозордаги хавотирлар кучайганининг белгиси сифатида баҳоламоқда. Қимматбаҳо металллар — айниқса кумуш кўпинча иқтисодий беқарорлик олдидан «signal asset» сифатида ҳаракат қилади.
Таҳлилчиларнинг таъкидлашича, кумуш нархининг ўзига хос тажовузкор пойгаси инфляция хавфларининг ошиши, фиат пуллар қадрсизланиши эҳтимоли ва глобал иқтисоддаги беқарорлик муносабати билан боғлиқ. Инвесторлар кумушни саноат хом-ашёси сифатида эмас, балки ҳимоявий актив сифатида ҳам кўриб, портфелдаги улушини кенгайтирмоқда.
2025 йилдаги вазият бозордаги классик Short Squeeze ҳолатига ҳам ўхшайди. Банклар ва ҳеж фондлар томонидан очилган «қоғоз» қисқа позициялар фон ясовчи жисмоний кумуш тақчиллиги билан тўқнашди. Нарх ошган сари бу иштирокчилар мажбурий равишда реал металл харид қилишга ўтмоқда ва бу рақобат кумуш қийматини янада юқорига тортаяпти.
Саноатда эса талаб кескин ошмоқда. Қуёш панеллари, электромобиллар, аккумуляторлар ва электроника ишлаб чиқаришда кумуш муҳим таркибий қисм ҳисобланади. Жаҳон бозоридаги реал етишмовчилик нарх ростан ҳам вертикал ўсиш ҳолатини давом эттирмоқда.
Таҳлилчиларнинг айтишича, агар талаб ҳозирги суръатда сақланса, 2026 йилда ҳам кумуш нархи янги рекордларга етиши эҳтимолдан холи эмас.
