Макка яқинида жуда катта янги олтин кони топилди
Саудиянинг Maaden компанияси Маккадан шимоли-шарқда улкан олтин конини очди — бу тарихдаги энг йириклардан бўлиши мумкин.
Саудия Арабистонидаги давлатга қарашли Maaden компанияси мамлакат тарихидаги энг катта олтин конларидан бирини кашф этганини маълум қилди. Янги кон Меккадан шимоли-шарқ томон 125 километргача чўзилган кенг ҳудудда жойлашган. Геологик таҳлилларга кўра, ушбу захиралар улкан миқёсда бўлиб, бу қироллик учун стратегик аҳамиятга эга бўлади.
Конинг жойлашуви ҳам диққатга сазовор: у ҳозирда фаол ишлаётган Mansourah–Massarah кон майдонига яқин жойлашган. Бу эса логистика ва қайта ишлаш имкониятларини анча осонлаштиради. Maaden компанияси вакилларининг таъкидлашича, янги очилиш нафақат кончилик соҳаси учун, балки иқтисодиётни диверсификация қилиш йўлидаги муҳим қадам сифатида ҳам қаралади.
Олтин захирасининг аниқ миқдори ҳозирча ошкор этилмаган, бироқ экспертлар бу кашфиёт «Saudi Vision 2030» дастури доирасида мамлакатнинг иқтисодий келажагини шакллантиришда ҳал қилувчи рол ўйнаши мумкинлигини қайд этмоқда. Саудия Aрабистони бу орқали нефтга бўлган қарамликни камайтиришни мақсад қилган.
Янги кон фаолиятга тушгач, минглаб янги иш ўринлари яратилади, юқори технологик қайта ишлаш корхоналари қурилади. Maaden буни «металллар ва билимларга асосланган келажак иқтисодиёти»нинг ажралмас қисми сифатида кўрмоқда. Бу нафақат мамлакат иқтисодиётини, балки технологик салоҳиятини ҳам кучайтириши мумкин.
Жаҳондаги олтин нархларининг ўсиши фонида бундай кашфиёт Саудия Арабистонини глобал қимматли металлар бозорида янада муҳим ўйинчига айлантириши мумкин. Инвесторлар ва халқаро компаниялар бу лойиҳага катта қизиқиш билдириши кутилмоқда.
