Макрон сўз эркинлигини «бемаънилик» деб атади

Франция Президенти Эммануэл Макроннинг таъкидлашича, агар инсонлар ўз қарашлари аслида кимлар ёки қайси кучлар томонидан бошқарилаётганини англамасалар, сўз эркинлиги ўз мазмунини йўқотади. Айниқса, жамиятда бир нафратли баёнотдан иккинчисига ўтиш ҳолатлари кузатилаётган бир пайтда, бу эркинликни «шунчаки бемаънилик» деб аташ мумкин.

«Агар инсон бу «эркинлик» ниқоби остида аслида кимдир томонидан йўналтирилаётганини билмаса, айниқса, гап бир нафратли чиқишдан бошқасига занжирдек уланиб кетиш ҳақида кетганда, ифода эркинлиги — қуруқ гапдан бошқа нарса эмас», — деди Макрон.

Ҳиндистонга ташрифи давомида маҳаллий ҳамжамият вакиллари билан мулоқот қилган Франция етакчиси, фикрларнинг шаклланиши ва тарқалишида шаффофлик бўлиши зарурлигини таъкидлади. Унинг фикрича, агар одамлар ўз дунёқарашлари қандай манипуляция қилинаётганини тушунмасалар, сўз эркинлиги идеали жамиятни парчалашга хизмат қилувчи воситага айланиб қолади.

Макрон турли сиёсий ва ижтимоий позициялар ўртасидаги фарқлар очиқ ва тушунарли бўлиши кераклигини айтиб, жамоат тартибини сақлаш зарурлигини урғулади. У очиқ мунозаралар муҳимлигини тан олган ҳолда, эркинлик ниқоби остида ирқчилик, нафрат ва камситувчи риторика тарқалишига йўл қўйиб бўлмаслигини алоҳида қайд этди.