O‘zbekistonda 70 yoshdan keyin ota bo‘lganlar soni ma’lum bo‘ldi
Statistika qo‘mitasi otalarning yosh taqsimotiga oid batafsil ma’lumotlarni taqdim etdi.
Milliy statistika qo‘mitasi ma’lumotlariga ko‘ra, 2025-yilda O‘zbekistonda 879 599 ta
tug‘ilish qayd etilgan.
Tug‘ilishlar otaning yosh guruhlari kesimida quyidagicha taqsimlangan:
– 25 yoshgacha — 97 917 nafar;
– 25–39 yosh — 718 798 nafar;
– 40–59 yosh — 62 246 nafar;
– 60 yosh va undan kattalar — 638 nafar, shundan 70 yoshdan oshganlar — 48 nafar.
Ma’lumot uchun: 2026 yil boshiga kelib O‘zbekiston aholisi 38,2 million nafardan oshgan bo‘lsa-da, mamlakatda tug‘ilish ko‘rsatkichlari ketma-ket ikkinchi yil pasayishda davom etmoqda. 2025 yilgi raqamlar pandemiyadan keyingi davrda ilk bor 900 minglik chegaradan pastga tushgani bilan diqqatga sazovor. Hozirda mamlakatda fertillik darajasi 3,3–3,5 atrofida saqlanib qolmoqda. Ota yoshi bo‘yicha ko‘rsatkichlarda 25–39 yoshlilar eng faol reproduktiv guruh bo‘lib qolsa, 70 yoshdan oshgan otalar bilan bog‘liq kamyob holatlar jamiyatda demografik xilma-xillik va sog‘lom turmush tarziga nisbatan qiziqishni oshirmoqda.
