Ипотека субсидияларидан фойдаланиш бўйича қайси вилоятлар етакчилик қилмоқда?

Bugun 15:222 daqiqa

2026-йилда 12 мингдан ортиқ фуқарога 1,1 трлн сўмдан ортиқ субсидия тўланган.

Ипотека субсидияларидан фойдаланиш бўйича қайси вилоятлар етакчилик қилмоқда?

Ўзбекистонда 2026-йилда ипотека кредитлари бўйича 12 355 нафар фуқарога 1,1 триллион сўмдан ортиқ субсидия тўлаб берилди. Бу ҳақда Иқтисодиёт ва молия вазирлиги хабар берди.

Тўланган субсидия маблағларининг 367 миллиард сўми уй-жой учун дастлабки бадал ёки унинг бир қисмини қоплашга йўналтирилган. Энг катта маблағ — 774,1 миллиард сўм аввалги йилларда ажратилган ипотека кредитлари бўйича фоиз тўловларини қоплаш учун берилган. Бундан ташқари, мақсадли ипотека омонатлари бўйича 19,4 миллиард сўмлик субсидия ажратилган.

Қайси ҳудудларга энг кўп субсидия ажратилган?

Субсидиядан фойдаланиш бўйича ҳудудлар кесимида Андижон вилояти етакчилик қилган. Вилоятда 1 472 нафар фуқарога дастлабки бадал учун 43,8 миллиард сўм ажратилган.

Кейинги ўринларда эса Фарғона вилояти — 1 410 кишига 41,9 миллиард сўм, Наманган вилояти — 1 406 кишига 41,6 миллиард сўм субсидия берилган.

Рейтингда учинчи ўринни Қашқадарё вилояти эгаллаган. Ҳудудда 1 260 нафар фуқаро ипотека субсидиясидан фойдаланган ва уларга 37,5 миллиард сўм ажратилган.

Тошкент шаҳри субсидиядан фойдаланиш бўйича ҳудудлар орасида энг сўнгги ўринда. Пойтахтда 389 нафар фуқарога 11,6 миллиард сўм ажратилган.

Банклар кесимида

Банклар кесимида ажратилган субсидияли ипотека кредитларининг энг кўп улуши Агробанк ҳиссасига тўғри келган. Кейинги ўринларда Ипотекабанк ва Халқ банки жой олган.

Маълумот учун, субсидия — бу давлат томонидан муайян мақсадлар учун жисмоний ёки юридик шахсларга ажратиладиган, қайтариб бериш талаб этилмайдиган молиявий ёрдамдир. 2026 йил давомида аҳолига 2,7 трлн сўмлик субсидия бериш режа қилинган. Аввалроқ Vaqt.uz уй-жой учун субсидия олиш тартиби, кимларга ва қай тарзда берилиши ҳақида маълумот берганди.

Эслатиб ўтамиз, ипотека субсидияси учун аризаларни қабул қилиш 2026-йил 16-мартда бошланган. 27-июлда эса ипотека субсидияси бўйича фойдаланилмаган хабарномалар юзасидан аризалар қайта қабул қилинган.

Teglar

Фарғона Ипотека Андижон Наманган Тошкент субсидия

Mavzuga oid

04.09.2026 | 13:25

Августда сўм рекорд даражада мустаҳкамланди: доллар курси қандай ўзгарди?

Август ойида рубль долларга нисбатан 7,2 фоизга қадрсизланиб, энг тебранувчан валюта бўлди. Сўм эса аксинча, 1,7 фоизга мустаҳкамланиб, шу йилдаги энг юқори ойлик натижани қайд этди.

Bugun 09:33

Бугун қайси банкларда доллар айирбошлаш қулайроқ?

Ўзбекистонда тижорат банклари 8-сентябрь куни учун амалда бўладиган долларнинг янги айирбошлаш курсини эълон қилди.

04.09.2026 | 12:25

Solfy ва Миллий банк можароси: инвестор Ўзбекистонга қарши 100 млн долларлик даъво киритди

Даъво Миллий банк билан фоизсиз муддатли тўлов карталари лойиҳаси атрофида юзага келган можаро билан боғлиқ. 100 млн доллар ҳозирча Ўзбекистон тўлаши белгиланган товон эмас, балки инвестор талаб қилаётган компенсация миқдори ҳисобланади.

Bugun 13:57

«Туронбанк» қаторида жами 100 трлн сўмлик давлат активлари йил охиригача савдога чиқарилади

Ўзбекистонда хусусийлаштирилиши режалаштирилган йирик давлат активлари рўйхати янгиланди. Ундан «Туронбанк»нинг 98,9 фоиз, «Ўзэкспомарказ»нинг 91,83 фоиз ва Халқаро бизнес марказининг 79,27 фоиз улушлари, шунингдек, саноат, транспорт ва савдо соҳасидаги қатор корхоналар ўрин олган.

Kecha 09:44

Бугун қайси банкларда доллар айирбошлаш қулайроқ?

Ўзбекистонда тижорат банклари 7-сентябрь куни учун амалда бўладиган долларнинг янги айирбошлаш курсини эълон қилди.

Kecha 12:55

Ўзбекистонда кредитлар қолдиғи 644,6 трлн сўмга етди

Етти ойда жисмоний ва юридик шахсларга ажратилган кредитлар қолдиғи йил бошидан бери 6,7 фоизга ошган. Хусусан, аҳоли кесимида микрокредитлар қолдиғи 15,5% га, ипотека кредитлари 11% га, микроқарзлар қолдиғи эса 4,7% га кўпайди.