Ўзбекистонга энг кўп апелсинлар қайси давлатлардан импорт қилинмоқда?
2025 йилда мамлакатга қарийб 24 минг тонна апелсин олиб кирилиб, импорт ҳажми ўтган йилга нисбатан ўсди.
Миллий статистика қўмитасига кўра, 2025 йилнинг январь–ноябрь ойларида Ўзбекистонга 11 та хорижий давлатдан жами 23,8 минг тонна апелсин импорт қилинган. Ушбу маҳсулотларнинг умумий қиймати қарийб 12 миллион АҚШ долларини ташкил этган.
Қайд этилишича, апелсин импорти ҳажми ўтган йилнинг мос даврига нисбатан 7,8 фоизга ошган. Бу ички бозорда цитрус меваларига бўлган талабнинг барқарор сақланаётгани ҳамда савдо алоқаларининг кенгаяётганини кўрсатади.
Статистикага кўра, 2025 йилнинг 11 ойи давомида Ўзбекистонга энг кўп апелсин етказиб берган давлат Эрон бўлган. Ушбу мамлакат ҳиссасига 12,2 минг тонна маҳсулот тўғри келган бўлиб, импортнинг ярмидан ортиқ қисмини ташкил этган.
Иккинчи ўринда Бирлашган Араб Амирликлари қайд этилган. БAAдан Ўзбекистонга 3,6 минг тонна апелсин олиб кирилган. Учинчи ўринни эса Миср эгаллаб, ушбу давлатдан 2,9 минг тонна апелсин импорт қилинган.
Шунингдек, Хитойдан 2,3 минг тонна, Жанубий Африка Республикасидан эса 2 минг тонна апелсин етказиб берилган. Қолган давлатлар ҳиссаси жами 813,6 тоннани ташкил этган.
Эслатиб ўтамиз, аввалроқ Ўзбекистонга 2025 йилнинг январ–ноябр ойларида 62 та давлатдан жами 1,1 млн тонна мандарин импорт қилингани ҳақида хабар бергандик.
