Путин ва Лукашенконинг карикатурасини чизган Россиялик рассом отиб ўлдирилди

Путиннинг карикатурасини чизган Россиялик рассом Семён Скрепетский Полшанинг Биала Подласка шаҳрида отиб кетилди. Полиция марҳумнинг шахсини ошкор қилмади, бироқ рассомнинг дўстлари ҳамда маҳаллий манбалар унинг ўлимини тасдиқлади.

Маълумотларига кўра, у шаҳардаги турар-жой мажмуаларидан бирининг автотураргоҳида отиб ўлдирилган.
 
Маҳаллий телеканал қотил рассомни яқин масофадан бир неча марта отганини хабар қилди. Воқеа жойига етиб келган тез тиббий ёрдам ходимлари Скрепетскийни қутқара олмаган. Қотилликдан сўнг полиция кўчалар ва шаҳардан чиқиш йўлларини тўсиб қўйди.
 
Телеканалнинг таъкидлашича, гумондорлардан бири Беля Подласкадаги Беларус консуллиги ёнида ҳибсга олинган. Норасмий маълумотларга кўра, у Беларус фуқароси бўлган. Полиция жиноятчини қидиришда давом этаётганини айтмоқда.
 
Семён Скрепетский асли россиялик рассом ҳисобланади. У сиёсатчиларнинг кулгили карикатураларини чизиш билан танилган. Скрепетский Владимир Путин, Александр Лукашенко, Рамзан Қодиров ва Алексей Навалнийнинг истеҳзоли портретларини чизган. У шунингдек, Украина ҳукуматини танқид қилган. Рассом 2021 йилдан бери рассом Полшада яшаётган эди.