Путинга божхона тушумларининг кескин пасайиб кетгани ҳақида маълум қилинди
Россия Федерал божхона хизмати бу йил давлат бюджетига 5,96 трлн рубл йиғишни режалаштирган. Аммо аслида бу кўрсаткич ўтган йилга нисбатан 19 фоизга камайииши кутилмоқда.
The Moscow Times нашрининг ёзишича, Россия президенти Владимир Путинга мамлакат божхона тизимидаги янги иқтисодий муаммо ҳақида маълум қилинди. Федерал божхона хизмати (ФТС) раҳбари Валерий Пикалёвнинг айтишича, 2025 йил якунигача давлат хазинасига жами 5,965 трлн рубл тушиши кутилмоқда.
«Ҳозиргача бюджетга 4,5 трлн рубл ўтказилган. Шунинг 3,745 трлн рубли импорт, 400 млрд рубли экспорт, қолган 343 млрд рубли бошқа тўловлар ҳиссасига тўғри келади», — деди Пикалёв Путин билан учрашувда.
Бу рақамлардан кўриниб турибдики, ФТСнинг йиғимлари ўтган йилга нисбатан 1,4 трлн рублга — яъни 19 фоизга камайган. 2024 йилда бу кўрсаткич 7,35 трлн рублни ташкил этган бўлса, 2023 йилда — 6,62 трлн, 2022 йилда — 6,2 трлн, 2021 йилда — 7,15 трлн, пандемия йилда эса 4,75 трлн рубл бўлган.
Илгари Россия Молия вазирлиги ФБХдан 2025 йил учун 8 трлн рубл йиғилишини кутган эди. Аммо асл натижа режадан 2 трлн рубл — ёки 25 фоизга паст бўлиши маълум бўлди.
