Qirg‘iziston Sog‘liqni saqlash vazirligi onlayn litsenziyalash tizimini ishga tushiradi
Vazirlik rahbari Damirbek Osmonov qirg‘izistonliklar allaqachon asosiy tibbiy ma’lumotnomalarni to‘g‘ridan-to‘g‘ri "Tunduk" mobil ilovasi orqali elektron shaklda olish imkoniyatiga egaligi, shu bilan birga, vazirlik litsenziya berishni avtomatlashtirish bo‘yicha keng ko‘lamli loyihani amalga oshirayotganini ta’kidladi.
Qirg‘iziston Sog‘liqni saqlash vazirligi mamlakat tibbiyot sohasini faol ravishda raqamlashtirayotganini, fuqarolar va biznes uchun qog‘ozsiz texnologiyalarni joriy etilayotganini ma’lum qildI. Bu haqda vazirlik rahbari Damirbek Osmonov Ka nashriga ma’lumot berdi.
Uning so‘zlariga ko‘ra, qirg‘izistonliklar allaqachon asosiy tibbiy ma’lumotnomalarni to‘g‘ridan-to‘g‘ri "Tunduk" mobil ilovasi orqali elektron shaklda olish imkoniyatiga ega. Shu bilan birga, vazirlik litsenziya berishni avtomatlashtirish bo‘yicha keng ko‘lamli loyihani amalga oshirmoqda, bu esa qog‘ozbozlikni butunlay yo‘q qilish va tadbirkorlarni vazirlikka borishdan ozod qilishga qaratilgan.
“Ilgari bitta litsenziya olish uchun o‘rtacha 100 kun kerak bo‘lgan bo‘lsa, endi ariza beruvchilar Sog‘liqni saqlash vazirligiga borishlari shart emas. Klinika yoki dorixona ochish uchun zarur bo‘lgan barcha hujjatlar elektron tarzda topshiriladi, bu jarayonni sezilarli darajada soddalashtiradi. Biz ushbu loyihani avgust oyi oxiriga qadar to‘liq ishga tushirishni rejalashtirmoqdamiz”, dedi Damirbek Osmonov.