Россияда мигрантлар сони бир йил ичида 600 мингтага камайган

29.01.2026 | 17:301 дақиқа

2026 йил бошига келиб Россия ҳудудида бўлган хорижий фуқаролар сони 5,7 миллион кишини ташкил қилди. Бу кўрсатгич ўтган йилга нисбатан 10 фоизга кам.

Россияда мигрантлар сони бир йил ичида 600 мингтага камайган

2026 йил бошига келиб Россия ҳудудида бўлган хорижий фуқаролар сони 5,7 миллион кишини ташкил этди. Бу кўрсаткич бир йил ичида қарийб 10 фоизга камайган бўлиб, 2025 йил бошида мамлакатда тахминан 6,3 миллион мигрант бўлган. Бу ҳақда Россия Ички ишлар вазирлиги Миграция хизмати таҳлилий бошқармаси бошлиғи Александр Пережогинга таяниб, Ведомости хабар берди.

Александр Пережогиннинг маълум қилишича, пасайишга асосий сабаб вояга етмаган хорижий фуқаролар сонининг қарийб чоракка қисқарганидир. 2025 йилдан бошлаб рус тилини билиш бўйича мажбурий тестдан ўтмаган мигрант болаларни Россия мактабларига қабул қилиш тақиқланган. Шунингдек, фарзандларининг асосий умумий таълим олишини таъминламаган хорижликлар мамлакатда қолиш ҳуқуқидан маҳрум этилиши мумкин.

Экспертлар фикрича, мигрантлар сонининг қисқариши миграция қонунчилигининг умумий тарзда қатъийлаштирилиши билан ҳам боғлиқ. Россияда қонун бузган хорижий фуқаролар энди “назорат қилинадиган шахслар реестри”га киритилади. Бу эса уларнинг банк ҳисобварақларидаги маблағлардан фойдаланишини, никоҳ тузишини ва айрим ижтимоий хизматлардан фойдаланишини чеклайди.

Шунингдек, 2025 йилдан визасиз тартибда келган хорижликлар учун Россияда бўлиш муддати бир календарь йилда 90 кун билан чекланганди. Илгари амал қилган 90/180 қоидаси бекор қилинган. Мутахассислар бу чоралар миграция оқимини сезиларли даражада қисқартирганини таъкидламоқда.

Теглар

Россия Мигрантлар ИИВ миграция сиёсати қонунчилик

Мавзуга оид

Бугун 12:55

Украинада 15 майгача сайлов ва тинчлик битими бўйича референдум ўтиши мумкин

Вашингтон Киевдан президент сайловлари ва эҳтимолий тинчлик келишуви бўйича референдумни 15 майгача ўтказишни талаб қилгани айтиламоқда.

Бугун 10:19

Қамчибек Ташиев ўз истеъфоси ҳақида гапирди

У хорижга текширув учун кетгани ва лавозимидан озод этилиши ҳақида олдиндан билмаганини маълум қилди.

Кеча 23:30

Эрдўған ўз ўрнини ўғлига бўшатиб берадими? — Анқарада ворислик масаласи муҳокамада

Илгари Эрдоғаннинг ўрнини ким эгаллаши ҳақида гапириш мумкин бўлмаган бўлса, ҳозир ворислик масаласи ёпиқ эшиклар ортида тез-тез муҳокама қилиняпти. «Bloomberg» Президентнинг ўғли — Билол Ердўғаннинг омма олдида тез-тез кўриниши бежиз эмаслиги ҳақида ёзди.

Бугун 14:25

Трамп Канада пулига қурилган кўприкнинг очилишига қарши чиқяпти

Президент Трамп Канаданинг Онтарио провинцияси билан АҚШнинг Мичиган штатини боғлайдиган «Gordie Howe International Bridge» кўприги Оттава «АҚШга муносиб адолат ва ҳурмат билан муносабатда бўлмагунча» очилмаслигини айтяпти.

Бугун 13:25

Россия ва Эрон БМТда: «Starlink» халқаро ҳуқуқни поймол қилмоқда

Россия ва Эрон БМТ майдонида «Starlink» сунъий йўлдошли интернетнет тизими халқаро ҳуқуққа зид деб баҳолаб, унинг ҳарбий ва тижорат технологиялари ўртасидаги чегарани йўқотаётганини билдирди.

Бугун 12:25

Ҳокимият учун кураш? — сиёсатшунослар Қамчибек Ташиевнинг ишдан олиниши ҳақида

Қирғизистон хавфсизлик тизимидаги кутилмаган кадрлар алмашинуви ортида қандай сиёсий ҳисоб-китоблар ётибди — расмий изоҳлардан ташқари саволлар кўпаймоқда.