Саида Мирзиёева Самарқандга борди

Бугун 12:352 дақиқа

Ташриф давомида Тойлоқ ва Ургут туманларида бўлиб, ичимлик суви тармоқларини реконструкция қилиш жараёни, янги барпо этилаётган турар жойлар, таълим ва тиббиёт муассасалари фаолияти ҳамда фермер хўжаликларидаги ишлар билан танишди.

Ўзбекистон Президенти Администрацияси раҳбари Саида Мирзиёева Самарқанд вилоятига ташрифи доирасида шаҳранинг «Геологлар» маҳалласида жойлашган 1-сонли давлат мактабгача таълим ташкилотининг бугунги ҳолати ва келгуси фаолияти билан танишди.

Ҳозирда 0,9 гектар майдонни эгаллаган ушбу икки қаватли бино таъмирталаб ҳолатда экани сабаб аҳоли эҳтиёжини тўлиқ қоплай олмаяпти — 360 ўринга мўлжалланган боғчада айни пайтда 274 нафар болажон тарбияланмоқда.

Мазкур муаммони ҳал этиш ва маҳалла аҳолиси учун муносиб шароитлар яратиш мақсадида Саида Мирзиёевага янги лойиҳа тақдим этилди. Унга кўра, мавжуд бинони тўлиқ демонтаж қилиб, унинг ўрнида замон талабларига мос келадиган 720 ўринли янги ДМТТ биносини қуриш режалаштирилган.

Ушбу йирик лойиҳа ҳудуддаги боғча ёшидаги болалар қамровини икки баробарга ошириш ва навбатда турган болажонлар масаласини тўлиқ ҳал этиш имконини беради.

«Тойлоқ туманидаги барча маҳаллалар аҳолиси тоза ичимлик сувидан баҳраманд бўла олиши учун сув тармоқлари қандай реконструкция қилинаётгани ва янгиланаётганини кўздан кечирдик. Ургут туманида ҳам бўлдик. Бу ерда янги турар жойлар, тиббиёт муассасалари, мактаб ва боғчалар қуриляпти, борлари эса янгиланиб, кенгайтирилмоқда», - дея ёзди Мирзиёева «Telegram» каналида.

Саида Мирзиёва ташриф давомда қайта қурилган «Навоий» оилавий поликлиникасига ҳам борди. У ерда янги туғилган чақалоққа Шавкатжон деб исм қўйишди. Қолаверса, Мирзиёева Ҳайдаровлар оиласида меҳмон бўлди.

«Фермерлар оиласи – Ҳайдаровлар хонадонида меҳмон бўлдик. Уларнинг тажрибасини, шубҳасиз, кенг оммалаштирса арзийди. Президентимиз топшириғига кўра тубдан қайта қурилган «Навоий» оилавий поликлиникасига ҳам бордик. Бу ердаги 16 та қишлоқнинг аёлларига хизмат кўрсатаётган туғруқ бўлими энг замонавий талабларга жавоб беради. Куни кеча ушбу даргоҳда биринчи чақалоқ – Шавкатжон дунёга келди. Мен буни бошлаган барча ишларимизнинг хайрли эканига бир ишора, деб билдим.Она-болага мустаҳкам соғлик тилаймиз. Янги меҳмоннинг толеи баланд бўлсин», - дея ёзди Президент Админстрацияси раҳбари.

Теглар

Самарқанд ичимлик суви ташриф Тойлоқ Ургут Саида Мирзиёева Ўзбекистон хабарлари янги боғча ижтимоий лойиҳалар Навоий поликлиникаси

Мавзуга оид

Кеча 17:35

Бухорода 900 та «ёпилган» корхона икки ойда 1,3 млн KWh ток ишлатди

«Кўкдала тажрибаси» асосида 19 та туман-шаҳарда давлат идораларини ягона маъмурий марказга кўчириш бошланмоқда.

Кеча 18:11

Саноат зоналаридаги 213 гектар ерда лойиҳалар бошланмаган

Хорижий инвестиция иштирокидаги айрим корхоналар фақат импорт билан чекланиб қолмоқда.

Бугун 08:55

Гулнора га оид жиноят иши Швейцариядаги маҳкамада кўриб чиқилади

Жорий йилнинг 27 апрел куни Беллинзонадаги Федерал жиноят судида халқаро коррупция иши бўйича кўпдан бери кутилаётган маҳкама жараёни бошланади. Мазкур ишнинг бош фигуранти Ўзбекистон собиқ президентининг қизи Гулнора Каримова бўлиб, унда Швейцария банклари ҳам иштирокчи сифатида қайд этилган. Салкам икки ўн йиллик тарихга эга ушбу иш ўзининг ғайриодатий тергов усуллари ва якуни ноаниқ эканлиги билан бошқа жараёнлардан кескин ажралиб туради.

Кеча 22:38

Президентдан ҳокимларга огоҳлантириш, Наманган ҳокимининг суди ва «Credit House» иши бўйича қамалганлар — 24-апрел дайжести

Кун давомида Ўзбекистонда юз берган воқеалар ва ҳодисалар, ёритилган янгиликлар ва хабарларнинг энг муҳимларини яна бир бор эсга оламиз.

Бугун 11:10

Бизнес-омбудсман Тошкентнинг «Дизайн-коди» қарорини қайта кўриб чиқишни талаб қилди

Ўзбекистон Республикаси Бизнес-омбудсмани Тошкент шаҳрида жорий этилиши режалаштирилган «Дизайн-коди» бўйича қарорнинг айрим нормалари тадбиркорлик фаолиятига салбий таъсир кўрсатиши ва амалдаги қонунчиликка зид келиши қайд этилди.

Кеча 19:50